Grýziianyń ortalyq sailaý komissiiasy barlyq ýchaskelerdegi daýys sanaýdy aiaqtady. Proportsionaldyq júie boiynsha onynshy shaqyrylymdaǵy parlamentke qai partiialardan qansha depýtat baratyny belgili boldy, dep habarlaidy "Ult aqparat" Grýziia jańalyqtaryna silteme jasap.
Grýziia parlamentinde 150 oryn bar. Jańa parlamentke barlyǵy toǵyz partiia ótedi.
Depýtattardyń kópshiligi parlament sailaýynda úshinshi ret jeńiske jetken qazirgi bileýshi «Grýzin armany» partiiasynan.
Konstitýtsiiada qarastyrylǵan erejege sáikes, 120 proportsionaldyq mandat kelesidei bólinedi:
«Grýzin armany» – 61 mandat (48.15%, 926 959 daýys)
«Ulttyq qozǵalys – birliktegi kúsh» - 35 mandat (27.14%, 522 463 daýys)
«Eýropalyq Grýziia» – 5 mandat (3.78%, 72 752 daýys)
«Agmashenebeli strategiiasy» – 4 mandat (3.15%, 60 592 daýys)
«Lelo» – 4 mandat (3.15%, 60 691 daýys)
«Patriottar aliansy» – 4 mandat (3.14%, 60 493 daýys)
«Girchi» – 4 mandat (2.89%, 55 600 daýys)
Aleko Elisashvili «Azamattar» – 2 mandat (1.33%, 25 534 daýys)
Shalva Natelashvili «Eńbek partiiasy» – 1 mandat (1%, 19 281 daýys) .
Sonymen qatar, «Grýzin armany» 30 majoritarlyq okrýgtiń 14-in jeńip aldy, demek, partiia alǵan mandattar sany 75-ke deiin ósedi.
Osylaisha atalǵan partiiaǵa parlamenttegi kópshilik pen úkimetti qurý jáne bekitý múmkindigin qamtamasyz etý úshin bir ǵana mandat qajet. Ol úshin partiia Ol úshin partiia 21 qarashada ekinshi týr ótetin 16 majoritarlyq okrýgtiń birinde jeńiske jetýi kerek.
Oppozitsiialyq partiialardyń bir bóligi OSK jariialaǵan nátijelerdi zańdy dep tanymaitynyn jáne Parlamentke ótýden bas tartatynyn málimdeidi, biraq bul sheshim túpkilikti qabyldaný-qabyldanbaýy jáne qandai partiialar boikotqa qosylatyny áli belgisiz.
