گرۋزييانىڭ ورتالىق سايلاۋ كوميسسيياسى بارلىق ۋچاسكەلەردەگٸ داۋىس ساناۋدى اياقتادى. پروپورتسيونالدىق جٷيە بويىنشا ونىنشى شاقىرىلىمداعى پارلامەنتكە قاي پارتييالاردان قانشا دەپۋتات باراتىنى بەلگٸلٸ بولدى, دەپ حابارلايدى "ۇلت اقپارات" گرۋزييا جاڭالىقتارىنا سٸلتەمە جاساپ.
گرۋزييا پارلامەنتٸندە 150 ورىن بار. جاڭا پارلامەنتكە بارلىعى توعىز پارتييا ٶتەدٸ.
دەپۋتاتتاردىڭ كٶپشٸلٸگٸ پارلامەنت سايلاۋىندا ٷشٸنشٸ رەت جەڭٸسكە جەتكەن قازٸرگٸ بيلەۋشٸ «گرۋزين ارمانى» پارتيياسىنان.
كونستيتۋتسييادا قاراستىرىلعان ەرەجەگە سەيكەس, 120 پروپورتسيونالدىق ماندات كەلەسٸدەي بٶلٸنەدٸ:
«گرۋزين ارمانى» – 61 ماندات (48.15%, 926 959 داۋىس)
«ۇلتتىق قوزعالىس – بٸرلٸكتەگٸ كٷش» - 35 ماندات (27.14%, 522 463 داۋىس)
«ەۋروپالىق گرۋزييا» – 5 ماندات (3.78%, 72 752 داۋىس)
«اگماشەنەبەلي ستراتەگيياسى» – 4 ماندات (3.15%, 60 592 داۋىس)
«لەلو» – 4 ماندات (3.15%, 60 691 داۋىس)
«پاتريوتتار اليانسى» – 4 ماندات (3.14%, 60 493 داۋىس)
«گيرچي» – 4 ماندات (2.89%, 55 600 داۋىس)
الەكو ەليساشۆيلي «ازاماتتار» – 2 ماندات (1.33%, 25 534 داۋىس)
شالۆا ناتەلاشۆيلي «ەڭبەك پارتيياسى» – 1 ماندات (1%, 19 281 داۋىس) .
سونىمەن قاتار, «گرۋزين ارمانى» 30 ماجوريتارلىق وكرۋگتٸڭ 14-ٸن جەڭٸپ الدى, دەمەك, پارتييا العان مانداتتار سانى 75-كە دەيٸن ٶسەدٸ.
وسىلايشا اتالعان پارتيياعا پارلامەنتتەگٸ كٶپشٸلٸك پەن ٷكٸمەتتٸ قۇرۋ جەنە بەكٸتۋ مٷمكٸندٸگٸن قامتاماسىز ەتۋ ٷشٸن بٸر عانا ماندات قاجەت. ول ٷشٸن پارتييا ول ٷشٸن پارتييا 21 قاراشادا ەكٸنشٸ تۋر ٶتەتٸن 16 ماجوريتارلىق وكرۋگتٸڭ بٸرٸندە جەڭٸسكە جەتۋٸ كەرەك.
وپپوزيتسييالىق پارتييالاردىڭ بٸر بٶلٸگٸ وسك جارييالاعان نەتيجەلەردٸ زاڭدى دەپ تانىمايتىنىن جەنە پارلامەنتكە ٶتۋدەن باس تارتاتىنىن مەلٸمدەيدٸ, بٸراق بۇل شەشٸم تٷپكٸلٸكتٸ قابىلدانۋ-قابىلدانباۋى جەنە قانداي پارتييالار بويكوتقا قوسىلاتىنى ەلٸ بەلگٸسٸز.
