Tbiliside úiinen óli tabylǵan Ásel Aitpaeva eki ret zorlyq-zombylyq qurbany bolǵan bolýy múmkin. Bul nusqany Grýziiadaǵy BAQ ókilderi usyndy, - dep habarlaidy Tengrinews Sputnik Grýziia agenttigine silteme jasap.
Grýziia telearnalary 26 jastaǵy qazaqstandyq áiel men onyń ólimine kúdikti Besik Tordýanyń áńgimesiniń jazbasyn jariialaǵan. Telearna málimetine súiensek, er adam qyzdy qorlap, ózin-ózi óltirýge májbúr etken. Jazbada onyń qyzdy uryp jatqany da estiledi.
BAQ málimeti boiynsha, sol jazbada Ásel Aitpaeva ózin Murat esimdi er adam zorlaǵanyn aitqan.
Jýrnalister aqparaty boiynsha, Formula telearnasy Tbiliside Aitpaevamen tanys bolǵandar arasynda Murat Meirbekov esimdi qazaqstandyq azamat bar ekenin anyqtaǵan. Ol - qyz jumys istegen firmanyń iesi. Qazirgi ýaqytta ol Grýziiadan ketip qalǵan. Sondai-aq, telearna málimetine súiensek, "qyzdy Rýstavi qalasynda birge turǵan týystary Meiirbekovqa satyp jibergen".
Rustavi 2 telearnasy málimeti boiynsha, týystarynan zorlyq-zombylyq kórgen qyz 57 jastaǵy kúdiktiniń úiine kóship barǵan.
Qazirgi ýaqytta ol qamaýǵa alynǵan. Is boiynsha tergeý jalǵasyp jatyr.
Buǵan deiin Grýziiada 26 jastaǵy qazaqstandyq Ásel Aitbaevanyń jumbaq jaǵdaida qaitys bolǵany habarlanǵan edi.
Marqumnyń ápkesiniń sózinshe, Ásel qaitys bolar aldynda qurbysyna aýdiohabarlama jiberip úlgergen. Aýdioda belgisiz er adamnyń oǵan qoqan-loqy kórsetip jatqany estiledi.
