تبيليسيدە ٷيٸنەن ٶلٸ تابىلعان ەسەل ايتپاەۆا ەكٸ رەت زورلىق-زومبىلىق قۇربانى بولعان بولۋى مٷمكٸن. بۇل نۇسقانى گرۋزيياداعى باق ٶكٸلدەرٸ ۇسىندى, - دەپ حابارلايدى Tengrinews Sputnik گرۋزييا اگەنتتٸگٸنە سٸلتەمە جاساپ.
گرۋزييا تەلەارنالارى 26 جاستاعى قازاقستاندىق ەيەل مەن ونىڭ ٶلٸمٸنە كٷدٸكتٸ بەسيك توردۋانىڭ ەڭگٸمەسٸنٸڭ جازباسىن جارييالاعان. تەلەارنا مەلٸمەتٸنە سٷيەنسەك, ەر ادام قىزدى قورلاپ, ٶزٸن-ٶزٸ ٶلتٸرۋگە مەجبٷر ەتكەن. جازبادا ونىڭ قىزدى ۇرىپ جاتقانى دا ەستٸلەدٸ.
باق مەلٸمەتٸ بويىنشا, سول جازبادا ەسەل ايتپاەۆا ٶزٸن مۇرات ەسٸمدٸ ەر ادام زورلاعانىن ايتقان.
جۋرناليستەر اقپاراتى بويىنشا, Formula تەلەارناسى تبيليسيدە ايتپاەۆامەن تانىس بولعاندار اراسىندا مۇرات مەيربەكوۆ ەسٸمدٸ قازاقستاندىق ازامات بار ەكەنٸن انىقتاعان. ول - قىز جۇمىس ٸستەگەن فيرمانىڭ يەسٸ. قازٸرگٸ ۋاقىتتا ول گرۋزييادان كەتٸپ قالعان. سونداي-اق, تەلەارنا مەلٸمەتٸنە سٷيەنسەك, "قىزدى رۋستاۆي قالاسىندا بٸرگە تۇرعان تۋىستارى مەيٸربەكوۆقا ساتىپ جٸبەرگەن".
Rustavi 2 تەلەارناسى مەلٸمەتٸ بويىنشا, تۋىستارىنان زورلىق-زومبىلىق كٶرگەن قىز 57 جاستاعى كٷدٸكتٸنٸڭ ٷيٸنە كٶشٸپ بارعان.
قازٸرگٸ ۋاقىتتا ول قاماۋعا الىنعان. ٸس بويىنشا تەرگەۋ جالعاسىپ جاتىر.
بۇعان دەيٸن گرۋزييادا 26 جاستاعى قازاقستاندىق ەسەل ايتباەۆانىڭ جۇمباق جاعدايدا قايتىس بولعانى حابارلانعان ەدٸ.
مارقۇمنىڭ ەپكەسٸنٸڭ سٶزٸنشە, ەسەل قايتىس بولار الدىندا قۇربىسىنا اۋديوحابارلاما جٸبەرٸپ ٷلگەرگەن. اۋديودا بەلگٸسٸز ەر ادامنىڭ وعان قوقان-لوقى كٶرسەتٸپ جاتقانى ەستٸلەدٸ.
