Foto: Stan.kz
Grýziianyń Qarjy ministrligine qarasty tergeý qyzmeti "Batými munai terminaly" JShS-niń úsh joǵary laýazymdy qyzmetkerin qamaýǵa aldy. Olar kedendik rásimderdi ainalyp ótip, 10 myń tonnadan astam munaidy zańsyz satqan degen kúdikke ilingen, dep habarlaidy bm.ge saity.
Tergeý málimetinshe, kúdikke ilingen úsh qazaqstandyq azamat uiymdasqan top quramynda áreket etip, iri kólemdegi shiki munaidy kedendik baqylaýsyz ótkizip otyrǵan. Sóz bolyp otyrǵan kólem – 10 myń tonnadan astam joǵary sapaly munai, jalpy quny 15 mln lariden joǵary.
Tergeý nusqasy boiynsha, aiyptalýshylar terminal qoimalaryndaǵy munaidyń naqty kólemin jasyrý úshin qymbat shikizatty lastanǵan, paidalanýǵa jaramsyz qaldyqtarmen aýystyrǵan. Osylaisha keden baqylaýyndaǵy munai kólemi saqtalǵandai kórinis jasaǵan.
Qylmystyq is Grýziia Qylmystyq kodeksiniń 214-babynyń 2 jáne 6-bólikteri boiynsha tergelip jatyr. Atalǵan baptar 11 jyldan 15 jylǵa deiin bas bostandyǵynan aiyrý jazasyn kózdeidi.
