Tbiliside politsiia "Biryńǵai ulttyq qozǵalys" oppozitsiialyq partiiasynyń keńsesine basyp kirip, partiia jetekshisi Nikanor Meliiany ustady.
Basyp kirý kezinde politsiia jas aǵyzatyn gaz paidalanǵan. "Eho Kavkaz" saitynyń jazýynsha, operatsiiadan keiin oppozitsiianyń birneshe ókiline meditsinalyq kómek qajet bolǵan. "Novosti Grýziia" portalynyń dereginshe, kúshtik qurylymdar Meliiany keńseden brondy mashinaǵa otyrǵyzyp, alyp ketken.
Sot Meliiany 17 aqpanda qamaý týraly qaýly shyǵarǵan. Sýdia ol kezde kepildikpen bosap shyǵý sharasyn qamaýǵa aýystyrý týraly bas prokýratýra ótinishin qanaǵattandyrǵan.
Meliia 2019 jyly maýsym aiynda Tbilisidegi parlamentte reseilik depýtat Sergei Gavrilovtyń sapary kezinde "tártipsizdik uiymdastyrdy" dep aiyptalyp otyr. Meliia taǵylǵan aiyptardy joqqa shyǵarady. Ol aktsiiany eshkim uiymdastyrmaǵanyn, adamdardyń stihiialy túrde toptasqanyn alǵa tartady. 21 maýsym kúngi qaqtyǵys kezinde 200-den astam adam zardap shekken. Ondaǵan adam ustalyp, artynsha bosatylǵan.
18 aqpanda Grýziia premer-ministri Georgii Gahariia "Biryńǵai ulttyq qozǵalys" partiiasynyń shtab-páterinde kúsh qurylymdary júrgizetin operatsiia jaily másele boiynsha biliktegi "Grýzin armany" partiiasymen kelise almai, otstavkaǵa ketken.
Osy aptada Grýziia parlamenti premer-ministr qyzmetine Iraklii Garibashvilidi bekitti. Ol Nikanor Meliiany "qylmysker" dep atap, oǵan qatysty sot sheshimi oryndalatynyn aitqan.
