تبيليسيدە پوليتسييا "بٸرىڭعاي ۇلتتىق قوزعالىس" وپپوزيتسييالىق پارتيياسىنىڭ كەڭسەسٸنە باسىپ كٸرٸپ, پارتييا جەتەكشٸسٸ نيكانور مەلييانى ۇستادى.
باسىپ كٸرۋ كەزٸندە پوليتسييا جاس اعىزاتىن گاز پايدالانعان. "ەحو كاۆكاز" سايتىنىڭ جازۋىنشا, وپەراتسييادان كەيٸن وپپوزيتسييانىڭ بٸرنەشە ٶكٸلٸنە مەديتسينالىق كٶمەك قاجەت بولعان. "نوۆوستي گرۋزييا" پورتالىنىڭ دەرەگٸنشە, كٷشتٸك قۇرىلىمدار مەلييانى كەڭسەدەن بروندى ماشيناعا وتىرعىزىپ, الىپ كەتكەن.
سوت مەلييانى 17 اقپاندا قاماۋ تۋرالى قاۋلى شىعارعان. سۋديا ول كەزدە كەپٸلدٸكپەن بوساپ شىعۋ شاراسىن قاماۋعا اۋىستىرۋ تۋرالى باس پروكۋراتۋرا ٶتٸنٸشٸن قاناعاتتاندىرعان.
مەلييا 2019 جىلى ماۋسىم ايىندا تبيليسيدەگٸ پارلامەنتتە رەسەيلٸك دەپۋتات سەرگەي گاۆريلوۆتىڭ ساپارى كەزٸندە "تەرتٸپسٸزدٸك ۇيىمداستىردى" دەپ ايىپتالىپ وتىر. مەلييا تاعىلعان ايىپتاردى جوققا شىعارادى. ول اكتسييانى ەشكٸم ۇيىمداستىرماعانىن, ادامداردىڭ ستيحييالى تٷردە توپتاسقانىن العا تارتادى. 21 ماۋسىم كٷنگٸ قاقتىعىس كەزٸندە 200-دەن استام ادام زارداپ شەككەن. ونداعان ادام ۇستالىپ, ارتىنشا بوساتىلعان.
18 اقپاندا گرۋزييا پرەمەر-مينيسترٸ گەورگيي گاحارييا "بٸرىڭعاي ۇلتتىق قوزعالىس" پارتيياسىنىڭ شتاب-پەتەرٸندە كٷش قۇرىلىمدارى جٷرگٸزەتٸن وپەراتسييا جايلى مەسەلە بويىنشا بيلٸكتەگٸ "گرۋزين ارمانى" پارتيياسىمەن كەلٸسە الماي, وتستاۆكاعا كەتكەن.
وسى اپتادا گرۋزييا پارلامەنتٸ پرەمەر-مينيستر قىزمەتٸنە يراكليي گاريباشۆيليدٸ بەكٸتتٸ. ول نيكانور مەلييانى "قىلمىسكەر" دەپ اتاپ, وعان قاتىستى سوت شەشٸمٸ ورىندالاتىنىن ايتقان.
