Grýziiada sońǵy táýlikte 2 981 adam koronavirýs juqtyrdy. Bul jaiynda vedomstvoaralyq úilestirý keńesine qarasty shuǵyl shtab basshysynyń orynbasary Berdiia Sichinava brifingte aitty, dep habarlaidy "Ult aqparat" Grýziia jańalyqtaryna silteme jasap.
Elde qaýipti indetke shaldyqqandardyń jalpy sany 201 368 boldy.
Sońǵy 24 saǵatta 17 029 test jasalǵan. Onyń 8,9 myńy - ekspress, qalǵany - PTR test.
Jańadan aýrý juqtyrǵandaryń 43 paiyzy nemese 1282-si - Tbilisi turǵyndary.
Ótken táýlikte 31 syrqat koronavirýstan kóz jumǵan. Jalpy, aýrýdan qaitys bolǵandardyń sany 1 953 adamǵa jetti.
2001 adam koronavirýstan jazyldy, al el boiynsha indetten jazylǵandar sany 169 myńnan asty.
Qazirgi tańda elde 30 myńnan astam adam COVID-19 dertimen aýyryp jatyr. Onyń ishinde 6 758 adam - aýrýhanada, 21 102 naýqas - úiinde, qalǵan 2 247 adam - arnaiy jabdyqtalǵan kovid qonaq úide emdelip jatyr.
Onyń ishinde 1 130 syrqattyń jaǵdaiy nashar. 430 adam ókpeni jasandy jeldetý apparatyna qosylǵan.
Grýziiada 471 azamat karantinde bolsa, 47 764 adam ózin-ózi oqshaýlaǵan.
