Qazaqstandyq 13 jastaǵy Ilia Pilpanidi izdeýge 80 órt sóndirýshi, politsiia bólimsheleri, ushqyshsyz basqarylatyn ushý apparattary, sý kóligi men shekaralyq politsiia tikushaǵy jumyldyrylǵan.
Qutqarýshylar jasóspirimdi Svanetiiadan da, Qara teńiz jaǵalaýynan da izdeýde. Ilia Pilpanidiń sýreti Grýziianyń IIM barlyq bólimderine jiberildi. Mundai málimdemeni Grýziianyń IIM arnaiy brifingte Tótenshe jaǵdailardy basqarý qyzmetiniń basshysy Teimýraz Mgebrishvili jasady, dep habarlaidy "Ult aqparat" «Grýziia jańalyqtaryna» silteme jasap.
Ilia Pilpani - Qazaqstan azamaty. Ol qysta ákesimen birge Almatydan Mestiiadaǵy týystaryna qonaqqa kelgen. Koronavirýs indetine bailanysty olar Qazaqstanǵa qaita almaǵan.
18 shilde kúni tańerteń Ilia velosiped tebýge úiden shyǵyp ketken. Sońǵy ret Iliany Lendjeri aýylynan kórgen. Ákesi jýrnalisterge bergen suhbatynda ulymen úide janjal bolǵanyn jáne balanyń úiden qashýdy josparlaýy múmkin ekenin joqqa shyǵarmaǵanyn aitty. Tótenshe jaǵdailardy basqarý qyzmetine jasóspirimniń joǵalǵany týraly habar 19 shildede kelip tústi.
«112» qoǵamdyq qaýipsizdikti basqarý ortalyǵy Grýziiadaǵy barlyq qoldanystaǵy telefon nómirlerine Ilia Pilpanidiń fotosýreti bar úsh tilde aqparattyq qysqa mátindik habarlamalar jiberdi, eger olarda qandai da bir aqparat bolsa, 112 nómirine qońyraý shala alady», - dep málimdedi Mgebrishvili.
Jasóspirim joǵalyp ketkennen keiin qutqarýshylar Svanetidegi Lendjeri, Lashdgveri, Mesgýni, Nemsia, Soli, Kaeri, Lhani, Kartvani, Lanhvri, Iskari, Tsalanari, Etseri, Kalashi, Ýshgýli, Ýgvali, Pari, Zemo Lýha, Kvemo Lýha, Lahamýla, Nodashi, Magardi, Lezgara, Svipi, Gvebaldi Soli, Kaeri, Lemsia, Kashveti, Lashtgveri, Nesgýni, Zargashi, Kýreli, Becho, Mazeri, Djorkvali, Latali sekildi 38 eldimekendi jáne olardyń ainalasyn tekserdi.
Joǵaryda atalǵan aýyldardaǵy qaraýsyz qalǵan úiler, sondai-aq jeti ózenge jaqyn aýmaq, olardyń arnalary men shatqaldary tekserildi. Qutqarýshylar taýlardy, jaiylymdardy, týnnelderdi qarap shyqty, ormannan izdedi. Ingýri ózeni men Ingýri GES-de izdeý jumystary júrgizilýde.
«Ishki ister ministrliginiń ókilderi iz-túzsiz joǵalyp ketken jasóspirimniń otbasymen únemi bailanysta. Ilia Pilpanidiń ata-anasyna kún saiyn olardyń jumysy týraly aqparat beriledi», — dep atap ótti Mgebrishvili.
