Grýziiada dúkender men qoǵamdyq kólikter qaita iske qosylǵannan keiin «demalys kúngi karantin» engiziledi. Tbilisi, Batými, Gori, Telavi, Poti jáne Zýgdidi qalalarynda senbi jáne jeksenbi kúnderi qoǵamdyq kólik júrmeidi jáne meiramhana, dúken men bazarlar jumys istemeidi, dep habarlaidy Newsgeorgia saity.
Úkimet ákimshiliginde ótken brifingide Grýziianyń densaýlyq saqtaý ministri Ekaterina Tikaradze epidemiologiialyq jaǵdaidy saqtaý úshin aptasyna eki kún adamdardyń júrisi tómen bolýy mańyzdy ekenin túsindirdi.
Onyń aitýynsha, kóptegen elderdiń tájiribesin eskere otyryp, shekteýlerdi aptasyna eki kún qoldaný týraly sheshim qabyldandy. Bul senbi jáne jeksenbi bolýy mindetti emes. 1 aqpannan bastap Grýziiada 28 qazannan bergi birqatar shekteý alynyp tastalady – tek azyq-túlik dúkenderi men saýda ortalyqtary ǵana emes, barlyq mekemeler jumys isteidi.
Grýziia sonymen qatar 2020 jyldyń naýryzynda toqtatylǵan turaqty reisterdi qaita jańǵyrtý jóninde sheshim qabyldady.
Aita keterligi, Adjariiada 1 aqpannan bastap mýnitsipaldy kólik, balabaqsha, mektep, sondai-aq kelýshilerge kóshede qyzmet kórsetetin meiramhanalar jumysyn qalpyna keltiredi.
«Grýziia Úkimeti Adjariia aimaǵyn tolyǵymen ashýdy mańyzdy dep sanaidy, onda epidemiologiialyq jaǵdai turaqtandy. Endi jaǵdaidy baqylap, koronavirýstyń taralýynyń tómen deńgeide saqtap qalý kerek», – dep atap ótti Tikaradze.
