Syrtqy ister ministri Beibit Atamqulov Qazaqstan Respýblikasyndaǵy missiiasynyń aiaqtalýyna orai Grekiia Elshisi Aleksandros Katranisti qabyldady, dep habarlaidy "Ult aqparat" QR SIM baspasóz qyzmetine silteme jasap.
Kezdesý barysynda Beibit Atamqulov Grekiia Elshisine ekijaqty bailanystardy nyǵaitýǵa qosqan eleýli úlesi úshin alǵysyn bildirip, oǵan estelik syilyq tabys etti.
Kezdesýde Grekiiaǵa qazaqstandyq halyqaralyq bastamalarǵa qoldaý kórsetkeni úshin, sondai-aq halyqaralyq arenada ózara tiimdi ózara is-qimyldy odan ári damytý nietteri úshin rizashylyǵyn bildirdi.
SIM basshysy Grekiia Qazaqstannyń Ońtústik Eýropadaǵy mańyzdy áriptesi bolyp tabylatynyn atap ótti, grek Parlamenti men Úkimetiniń jańa quramynyń sailanýymen quttyqtap, ekijaqty yntymaqtastyqtyń odan ári jemisti damýyna úmit bildirdi.
Grekiia Elshisi Qazaqstan basshylyǵyna qazaqstan-grek yntymaqtastyǵyn nyǵaitý isindegi tiimdi ózara is-qimyl jáne onyń qyzmetine qoldaý kórsetkeni úshin alǵysyn bildirdi.
Eske sala ketsek, Qazaqstan men Grekiia arasyndaǵy diplomatiialyq qatynastar 1992 jyldyń 1 qazanynda ornatyldy. Qazaqstannyń Grekiiamen syrtqy saýda ainalymy 2018 jyly 1,2 mlrd AQSh dollaryn qurady (eksport – 1,1 mlrd, import - 19,3 mln).
