سىرتقى ٸستەر مينيسترٸ بەيبٸت اتامقۇلوۆ قازاقستان رەسپۋبليكاسىنداعى ميسسيياسىنىڭ اياقتالۋىنا وراي گرەكييا ەلشٸسٸ الەكساندروس كاترانيستٸ قابىلدادى, دەپ حابارلايدى "ۇلت اقپارات" قر سٸم باسپاسٶز قىزمەتٸنە سٸلتەمە جاساپ.
كەزدەسۋ بارىسىندا بەيبٸت اتامقۇلوۆ گرەكييا ەلشٸسٸنە ەكٸجاقتى بايلانىستاردى نىعايتۋعا قوسقان ەلەۋلٸ ٷلەسٸ ٷشٸن العىسىن بٸلدٸرٸپ, وعان ەستەلٸك سىيلىق تابىس ەتتٸ.
كەزدەسۋدە گرەكيياعا قازاقستاندىق حالىقارالىق باستامالارعا قولداۋ كٶرسەتكەنٸ ٷشٸن, سونداي-اق حالىقارالىق ارەنادا ٶزارا تيٸمدٸ ٶزارا ٸس-قيمىلدى ودان ەرٸ دامىتۋ نيەتتەرٸ ٷشٸن ريزاشىلىعىن بٸلدٸردٸ.
سٸم باسشىسى گرەكييا قازاقستاننىڭ وڭتٷستٸك ەۋروپاداعى ماڭىزدى ەرٸپتەسٸ بولىپ تابىلاتىنىن اتاپ ٶتتٸ, گرەك پارلامەنتٸ مەن ٷكٸمەتٸنٸڭ جاڭا قۇرامىنىڭ سايلانۋىمەن قۇتتىقتاپ, ەكٸجاقتى ىنتىماقتاستىقتىڭ ودان ەرٸ جەمٸستٸ دامۋىنا ٷمٸت بٸلدٸردٸ.
گرەكييا ەلشٸسٸ قازاقستان باسشىلىعىنا قازاقستان-گرەك ىنتىماقتاستىعىن نىعايتۋ ٸسٸندەگٸ تيٸمدٸ ٶزارا ٸس-قيمىل جەنە ونىڭ قىزمەتٸنە قولداۋ كٶرسەتكەنٸ ٷشٸن العىسىن بٸلدٸردٸ.
ەسكە سالا كەتسەك, قازاقستان مەن گرەكييا اراسىنداعى ديپلوماتييالىق قاتىناستار 1992 جىلدىڭ 1 قازانىندا ورناتىلدى. قازاقستاننىڭ گرەكييامەن سىرتقى ساۋدا اينالىمى 2018 جىلى 1,2 ملرد اقش دوللارىن قۇرادى (ەكسپورت – 1,1 ملرد, يمپورت - 19,3 ملن).
