Sýret: olympic.kz
Qazaqstandaǵy eń bai biznesmenderdiń biri Daniiar Ábilǵazin Grekiianyń Gidra aralyndaǵy órtke qatysty málimdeme jasady, dep habarlaidy Forbes.
Ol órtke sebep bolǵan otshashýlar atylǵan Persephoni I iahtasyn jalǵa alǵanyn moiyndady. Ábilǵazin bolǵan oqiǵaǵa ókinish bildirip, óziniń jáne onyń qonaqtarynyń órt qaýipsizdigi erejelerin qatań saqtaǵanyn aitty.
Ábilǵazin óziniń de, qonaqtarynyń da órt týdyrýy múmkin eshqandai áreket jasamaǵanyn basa aityp, Grekiia biligi ókilderiniń oǵan qarsy eshqandai talap qoimaǵanyn atap ótti. Ol sondai-aq Grekiia biligimen tergeýde yntymaqtasýǵa ýáde berdi.
Eske salsaq, buǵan deiin Grekiia prokýrorlary ótken aptada Saron teńizindegi Gidra aralynda órt qoiýǵa qatysy bar jeke iahtadaǵy 8 eresek qazaqstandyq jolaýshyny aiyptaǵan bolatyn.
