Dúniejúzilik «Qazaq kúresi» federatsiiasynyń vitse-prezidenti bolyp Pekos Feodoros 2021 jyly Qazaq kúresinen Álem nemese Eýropa chempionatyn Grekiiada ótkizýdi usyndy, – dep habarlaidy «Ult aqparat».
Elordada ótip jatqan Dúniejúzilik «Qazaq kúresi» federatsiiasynyń halyqaralyq kongresinde federatsiiasynyń vitse-prezidenti bolyp Grekiiadan kelgen Pekos Feodoros pen qytailyq Soń Jiańliń sailandy. Federatsiia músheleriniń qoldaýyna ie bolǵan Pekos Feodoros óz usynysyn ortaǵa saldy.
«Mundai qurmetti ataqty tapsyryp otyrǵan federatsiia basshylyǵyna alǵysymdy bildiremin. Qazaq kúresinde júrgenime birneshe jyl boldy. Bizdiń eldiń basshylyǵy 2021 jyly Qazaq kúresinen Álem jáne Eýropa chempionatyn Grekiiada ótkizýge kelisip otyr. Bárińiz osy bastamamyzdy qoldarsyzdar degen úmittemin», - dedi Pekos Feodoros.
Aita ketsek, alys-jaqyn shet elderdiń ókilderiniń qatysýymen elordada Dúniejúzilik «Qazaq kúresi» federatsiiasynyń halyqaralyq kongresi ótip jatyr. Jiyn barysynda federatsiia prezidenti Alik Shpekbaev álemniń 27 elinen kelgen federatsiia múshelerine usynys bildirdi. Ol boiynsha federatsiianyń «Qurmetti prezidenti» retinde Doshan Joljaqsynovty, birinshi vitse-prezidenti retinde Bádelhan Kamalhanulyn sailaý usynyldy. Kópshilik bir aýyzdan qoldady.
