QR Bilim jáne ǵylym ministri Ashat Aimaǵambetov JOO oqytýshylarynyń eńbekaqysyn kóterý jumystaryn aityp berdi, dep habarlaidy QazAqparat.
«Joǵarǵy bilim boiynsha jyl saiyn memlekettik tapsyrys kólemi artyp keledi. Sońǵy 4 jylda memlekettik tapsyrys 1,3 esege kóbeigen jáne biyl túlekterge 53 myń grant beriledi. Prezident tapsyrmasymen biyldan bastap, grant quny kóteriledi. Onyń baǵasy 10 jyl boiy ózgermegen edi. Bul rette biz eńbekaqyny kóterýdi memlekettik JOO-larǵa mindetteimiz», - dedi ministr Feisbýk jelisinde halyq aldynda esep berý barysynda.
Onyń aitýynsha, qazir eńbekaqy tóleý qorynda eń tómengi eńbekaqy shegin belgileý máselesi talqylanyp jatyr.
«Grant qunynyń kóterilýi pedagogtardyń da eńbekaqysyn arttyrýǵa yqpal etýi tiis. Kei oqý oryndarynda oqytýshylardyń eńbekaqysy 70-80 myń teńge ekeni aitylady, bul - qabyldaýǵa kelmeitin tsifrlar. Sońǵy jyly kei jerde 70%, kei jerde - 50%, 20% eńbekaqy kóterildi. Biraq, memlekettik tapsyrys quny kóterilgen soń, áli de JOO professorlyq-oqytýshylyq quramynyń jalaqysyn arttyrý múmkindigi bar», - dedi A. Aimaǵambetov.
