قر بٸلٸم جەنە عىلىم مينيسترٸ اسحات ايماعامبەتوۆ جوو وقىتۋشىلارىنىڭ ەڭبەكاقىسىن كٶتەرۋ جۇمىستارىن ايتىپ بەردٸ, دەپ حابارلايدى قازاقپارات.
«جوعارعى بٸلٸم بويىنشا جىل سايىن مەملەكەتتٸك تاپسىرىس كٶلەمٸ ارتىپ كەلەدٸ. سوڭعى 4 جىلدا مەملەكەتتٸك تاپسىرىس 1,3 ەسەگە كٶبەيگەن جەنە بيىل تٷلەكتەرگە 53 مىڭ گرانت بەرٸلەدٸ. پرەزيدەنت تاپسىرماسىمەن بيىلدان باستاپ, گرانت قۇنى كٶتەرٸلەدٸ. ونىڭ باعاسى 10 جىل بويى ٶزگەرمەگەن ەدٸ. بۇل رەتتە بٸز ەڭبەكاقىنى كٶتەرۋدٸ مەملەكەتتٸك جوو-لارعا مٸندەتتەيمٸز», - دەدٸ مينيستر فەيسبۋك جەلٸسٸندە حالىق الدىندا ەسەپ بەرۋ بارىسىندا.
ونىڭ ايتۋىنشا, قازٸر ەڭبەكاقى تٶلەۋ قورىندا ەڭ تٶمەنگٸ ەڭبەكاقى شەگٸن بەلگٸلەۋ مەسەلەسٸ تالقىلانىپ جاتىر.
«گرانت قۇنىنىڭ كٶتەرٸلۋٸ پەداگوگتاردىڭ دا ەڭبەكاقىسىن ارتتىرۋعا ىقپال ەتۋٸ تيٸس. كەي وقۋ ورىندارىندا وقىتۋشىلاردىڭ ەڭبەكاقىسى 70-80 مىڭ تەڭگە ەكەنٸ ايتىلادى, بۇل - قابىلداۋعا كەلمەيتٸن تسيفرلار. سوڭعى جىلى كەي جەردە 70%, كەي جەردە - 50%, 20% ەڭبەكاقى كٶتەرٸلدٸ. بٸراق, مەملەكەتتٸك تاپسىرىس قۇنى كٶتەرٸلگەن سوڭ, ەلٸ دە جوو پروفەسسورلىق-وقىتۋشىلىق قۇرامىنىڭ جالاقىسىن ارتتىرۋ مٷمكٸندٸگٸ بار», - دەدٸ ا. ايماعامبەتوۆ.
