Foto: freepik.com
2025 jylǵy 13 shilde men 20 tamyz aralyǵynda talapkerlerden granttar konkýrsyna qatysý úshin ótinishter qabyldanady. Qujattardy egov.kz portaly arqyly onlain nemese joǵary oqý oryndaryndaǵy qabyldaý ortalyqtary arqyly (kez kelgen jaqyn ornalasqan JOO-da) tapsyrýǵa bolady.
Grant konkýrsyna qatysý úshin talapkerler jeke kýálik, UBT sertifikatyn, 3×4 kólemindegi foto, orta bilim týraly attestat (tehnikalyq jáne kásiptik bilim berý uiymdarynyń túlekteri úshin diplom) tapsyrý kerek. Sondai-aq jeńildetilgen sanat boiynsha konkýrsqa qatysý úshin rastaityn qujattar usynylady.
UBT shekti balldary
Bilim berý granttary konkýrsyna qatysý jáne aqyly negizde oqýǵa túsý úshin UBT nátijeleri boiynsha kelesi shekti balldar belgilengen:
«Quqyq» jáne «Pedagogikalyq ǵylymdar» baǵyttary boiynsha — keminde 75 ball;
«Densaýlyq saqtaý jáne áleýmettik qamtamasyz etý (meditsina)» baǵyty boiynsha — keminde 70 ball;
ulttyq joǵary oqý oryndaryna túsý úshin — keminde 65 ball;
basqa joǵary oqý oryndaryna túsý úshin — keminde 50 ball;
Qazaq ulttyq sý sharýashylyǵy jáne irrigatsiia ýniversitetine túsý úshin — keminde 50 ball.
Esterińizge sala ketsek, joǵary oqý oryndary bilim berý granttaryn taǵaiyndaý konkýrsyna qatysý jáne aqyly negizde oqýǵa qabyldaý úshin óz shekti balldaryn ózderi belgileýge quqyly.
Aýyldyq jerlerden shyqqan jáne áleýmettik osal toptarǵa jatatyn talapkerlerdi qoldaý maqsatynda qabyldaý naýqany aiasynda arnaiy sharalar qarastyrylǵan. Atap aitqanda, granttar konkýrsyna qatysý barysynda memleket bekitken kvotalar bar.
Aita keteiik, 2025 jyly «Tsifrlyq ýniversitet» qaǵidatyn júzege asyrý jalǵasýda: úderisterdiń basym bóligi avtomattandyrylǵan, bul konkýrstyq irikteýdiń ashyqtyǵyn arttyrady.
Bilim berý granty iegerleriniń tizimi 10 tamyzǵa deiin jariialanady.
Aita ketelik elimizde kolledjge qabyldaý erejeleri jańartyldy.
