Bilim granttaryn bólý jónindegi respýblikalyq konkýrstyq komissiia jumysyn bastady. Komissiia músheleri 12 tamyzǵa deiin jumysyn qorytyndylap, grant ielerin 12 tamyzǵa deiin jariialaidy, dep habarlaidy "Ult aqparat" Baq.kz-ke silteme jasap.
«Bilim granttaryn bólý jónindegi respýblikalyq konkýrstyq komissiia 4-8 tamyz aralyǵynda jumys isteidi. 12 tamyzǵa deiin qorytyndy shyǵarylyp, BAQ betterinde jariialanady», - dedi búgin komissiianyń alǵashqy otyrysynda QR Bilim jáne ǵylym ministri Erlan Saǵadiev.
Komissiia quramyna memlekettik organdar men Ulttyq kásipkerler palatasynyń ókilderi jáne joǵary oqý oryndarynyń rektorlary kirip otyr.
Aita keteiik, biyl 31 702 grant bólingen. Onyń ishinde 2 950 oryn joǵary oqý oryndarynyń daiyndyq bólimshelerine, 28 752 grant kúndizgi bólimge qarastyrylǵan. Konkýrsqa 59 677 túlek qatysyp jatyr.
12 593 grant tehnikalyq jáne tehnologiialyq, 5 myńǵa jýyq grant pedagogikalyq, 2 690 grant aýyl sharýashylyǵy jáne veterinarlyq, 3 myń grant meditsinalyq mamandyqtarǵa bólindi. Bilim granttaryn ornalastyrý múmkindigine biyl 87 joǵary oqý orny ie boldy.
Aldaǵy ýaqytta grant iegerleriniń tizimi Ult portalynda jariialanatyn bolady.
.jpeg)