2025 jyldyń 4 jeltoqsanynda amerikalyq mýzyka marapattardyń biri — «Grammy» syilyǵynyń resmi saityn men YouTube arnasynda Dimash Qudaibergenniń óz avtorlyq «Fire» kompozitsiiasymen oryndaǵan jańa beinejazbasynyń premerasy ótti. Bul týraly dimashnews jariialady dep habarlaidy Ult.kz.
Qazan aiynda ol Niý-Iork qalasyndaǵy álemge áigili Madison Square Garden sahnasynda qazaq mádenietin joǵary deńgeide tanystyryp, zor tabysqa jetkeninen keiin, Dimash Amerika Qurama Shtattaryndaǵy eń bedeldi mýzykalyq institýttardyń biri — Grammy.com platformasymen jáne Amerikandyq Ulttyq dybys jazý óneri men ǵylymy akademiiasymen shyǵarmashylyq bailanys ornatty.
«Global Spin» jobasy 2021 jyldyń qyrkúieginde álemdik mýzykalyq qaýymdastyqty qoldaý jáne damytý maqsatynda iske qosylǵan. Joba aiasynda búginge deiin K-pop janrynyń megajuldyzdarynan bastap, nigeriialyq hip-hop jáne shotland folk oryndaýshylaryna deiin kóptegen tanymal halyqaralyq ártister óner kórsetti. Árbir shyǵarylym belgili bir oryndaýshynyń ǵana emes, sondai-aq onyń Otanyn da dáripteitin ekskliýzivti tikelei oryndaýdan turady.
Dybys jazý akademiiasy AQSh-tyń oryndaýshylarynyń, án avtorlarynyń, prodiýserleriniń, dybys rejisserleriniń jáne basqa da mýzykalyq mamandarynyń múddelerin qorǵai otyryp, sondai-aq álemdegi eń bedeldi mýzykalyq marapat — «Grammy» syilyǵyn da uiymdastyrady.
Mundai joǵary bedeldi uiym tarapynan moiyndalý — álemdik mádeni keńistikte óz elin tanystyryp júrgen ártis úshin mańyzdy qadam bolyp sanalady.
