2025 جىلدىڭ 4 جەلتوقسانىندا امەريكالىق مۋزىكا ماراپاتتاردىڭ بٸرٸ — «Grammy» سىيلىعىنىڭ رەسمي سايتىن مەن YouTube ارناسىندا ديماش قۇدايبەرگەننٸڭ ٶز اۆتورلىق «Fire» كومپوزيتسيياسىمەن ورىنداعان جاڭا بەينەجازباسىنىڭ پرەمەراسى ٶتتٸ. بۇل تۋرالى dimashnews جارييالادى دەپ حابارلايدى Ult.kz.
قازان ايىندا ول نيۋ-يورك قالاسىنداعى ەلەمگە ەيگٸلٸ Madison Square Garden ساحناسىندا قازاق مەدەنيەتٸن جوعارى دەڭگەيدە تانىستىرىپ, زور تابىسقا جەتكەنٸنەن كەيٸن, ديماش امەريكا قۇراما شتاتتارىنداعى ەڭ بەدەلدٸ مۋزىكالىق ينستيتۋتتاردىڭ بٸرٸ — Grammy.com پلاتفورماسىمەن جەنە امەريكاندىق ۇلتتىق دىبىس جازۋ ٶنەرٸ مەن عىلىمى اكادەميياسىمەن شىعارماشىلىق بايلانىس ورناتتى.
«Global Spin» جوباسى 2021 جىلدىڭ قىركٷيەگٸندە ەلەمدٸك مۋزىكالىق قاۋىمداستىقتى قولداۋ جەنە دامىتۋ ماقساتىندا ٸسكە قوسىلعان. جوبا اياسىندا بٷگٸنگە دەيٸن K-pop جانرىنىڭ مەگاجۇلدىزدارىنان باستاپ, نيگەرييالىق حيپ-حوپ جەنە شوتلاند فولك ورىنداۋشىلارىنا دەيٸن كٶپتەگەن تانىمال حالىقارالىق ەرتٸستەر ٶنەر كٶرسەتتٸ. ەربٸر شىعارىلىم بەلگٸلٸ بٸر ورىنداۋشىنىڭ عانا ەمەس, سونداي-اق ونىڭ وتانىن دا دەرٸپتەيتٸن ەكسكليۋزيۆتٸ تٸكەلەي ورىنداۋدان تۇرادى.
دىبىس جازۋ اكادەميياسى اقش-تىڭ ورىنداۋشىلارىنىڭ, ەن اۆتورلارىنىڭ, پروديۋسەرلەرٸنٸڭ, دىبىس رەجيسسەرلەرٸنٸڭ جەنە باسقا دا مۋزىكالىق ماماندارىنىڭ مٷددەلەرٸن قورعاي وتىرىپ, سونداي-اق ەلەمدەگٸ ەڭ بەدەلدٸ مۋزىكالىق ماراپات — «Grammy» سىيلىعىن دا ۇيىمداستىرادى.
مۇنداي جوعارى بەدەلدٸ ۇيىم تاراپىنان مويىندالۋ — ەلەمدٸك مەدەني كەڭٸستٸكتە ٶز ەلٸن تانىستىرىپ جٷرگەن ەرتٸس ٷشٸن ماڭىزدى قادام بولىپ سانالادى.
