Amerikalyq Apple kompaniiasy alǵashqy úsh aidyń qorytyndysy boiynsha Ózbekstan biýdjetine 59,2 myń dollar kóleminde salyq tóledi.
Ózbekstannyń memlekettik salyq komiteti 11 mamyrda Apple kompaniiasynyń qosymsha qun salyǵyn tóleýshi retinde tirkelgenin habarlady. 2020 jyldan bastap Ózbekstanda shetel kompaniialaryna qosymsha qun salyǵyn tóleý tártibi engizilgen.
Salyq komitetiniń málimeti boiynsha, Ózbekstanda elektrondy qyzmet kórsetetin 10 shetel kompaniiasy qosymsha quny salyǵyn tóleýshi retinde tirkelgen. Buǵan deiin Google Commerce Limited kompaniiasy 2020 jyldyń alǵashqy úsh aiynda kórsetken qyzmeti úshin 85 myń eýro kóleminde salyq tólegen. Netflix International B.V. kompaniiasy Ózbekstan biýdjetine 4,3 myń eýro tólegen.
