Qazaqstandyq óner týyndylaryn Google Mádeniet institýty tsifrlyq júiege ótkizedi. Bul týraly «Astana EKSPO-2017» UK» AQ Kontent jáne is-sharalardy uiymdastyrý departamentiniń direktory Marat Omarov málim etti, dep habarlaidy "Ult aqparat" QazAqparat agenttigine silteme jasap.
«Ortalyqty qurýdaǵy basymdyq EKSPO kórmesi ótkennen keiin óner salasynda mura qaldyrýǵa negizdelgen. Bul turǵyda bolashaqqa qajetti qadamdardy eskerip otyrmyz. Búginde Google Mádeniet institýtymen kelissózder júrgizip jatyrmyz. Olar barsha álemnen óner týyndylaryn tsifrlaýmen ainalysýda. EKSPO-nyń arqasynda institýtpen bir kelisimge keldik. Osy oraida olar Á. Qasteev atyndaǵy óner memlekettik murajaiyndaǵy barsha murany tsifrlyq júiege ótkizedi dep kútilýde. Sonymen qatar bul baǵdarlamaǵa taǵy eki mýzeidi qosamyz dep úmittenip otyrmyz», - dedi M. Omarov EKSPO aýmaǵyndaǵy Qazirgi zaman óneri ortalyǵy jumysyn tanystyrý barysynda.
Onyń sózine qaraǵanda, bul jumystar arqyly elimiz sýretshileriniń óner týyndylary álemdik muraǵatqa engiziledi.
«Internetke qosylǵan kez kelgen adam sýretterdi esh kedergisiz tamashalai alady. Sondyqtan osy kelissózder Qazaqstandaǵy ónerge óte paidalady bolady dep esepteimiz», - dedi departament basshysy.
.jpeg)