Gonkong ýniversitetiniń ǵalymdary koronavirýsty qaita juqtyrýdyń alǵashqy jaǵdaiy anyqtalǵanyn habarlady.
4,5 ai buryn Covid-19-ben aýyryp shyqqan er adamǵa osy diagnoz ekinshi ret qoiyldy. Infektsiiany anyqtaýǵa qaitadan test tapsyrý kezinde patsientten aýrýdyń esh belgisi baiqalmaǵan, dep habarlaidy "Ult aqparat" Bi-bi-si-ge silteme jasap.
Virýsty zertteý onyń RNQ-sy alǵashqy infektsiiany týdyrǵan SARS-Cov-2 shtammynyń genetikalyq kodynan aitarlyqtai erekshelenetinin kórsetti.
Ǵalymdar Covid-19 virýsymen aýyrǵan adamdardyń virýsqa qarsy immýnitetke ie bolatynyn biledi, biraq bul qorǵanystyń qanshalyqty tiimdi ekeni jáne qansha ýaqytqa sozylatyny áli belgisiz. Gonkongtaǵy patsienttiń jaǵdaiy búkil álem boiynsha 800 myńnan astam adam qaitys bolǵan virýsqa qarsy immýnitettiń óte qysqa bolýy múmkin ekenin kórsetedi.
33 jastaǵy Gonkong turǵyny Covid-19-ben aýyryp, sáýir aiynda aýrýhanadan jazylyp shyqqan, dárigerler ony aýrýdan tolyq aiyqty dep málimdegen. Alaida, tamyz aiynda Ispaniiadan sapardan oralǵannan keiin ol áýejaida mindetti test tapsyrǵan. Onyń nátijesi virýstyń bar ekenin taǵy da rastady.
Buǵan deiin Qytai biligi virýstyń qaita anyqtalýynyń birneshe jaǵdaiy týraly habarlaǵan bolatyn. Olardyń málimetteri boiynsha, naýqastardyń 5-15%-y koronavirýspen ekinshi ret aýyrǵan. Biraq bul adamdar virýsty shynymen qaita juqtyrdy ma, álde olar birinshi ret aýyrǵanda tolyq emdelmedi me, ol jaǵy naqty emes. Bulai senimdi túrde aitý múmkin emes.
Gonkongtegi patsientten aýrýdyń esh belgileri baiqalmaǵan.
Eger adamdar jańa virýsty birneshe ret juqtyrýy múmkin ekeni belgili bolsa (mysaly, tumaý siiaqty), tipti, tiimdi vaktsina ýaqytynda jasalsa da bul vaktsinatsiiany aitarlyqtai qiyndatady.
Alaida, DDU qandai da bir tujyrym jasaýǵa áli erte deidi. Óitkeni bizde qaita juqtyrý jaǵdaiy jalǵyz ǵana.
Gonkongtyq patsientti tekserý nátijeleri ǵylymi ádebietterde áli jariialanbaǵan, sondyqtan bul jaǵdaidyń kóptegen aspektileri áli anyq emes.
