گونكونگ ۋنيۆەرسيتەتٸنٸڭ عالىمدارى كوروناۆيرۋستى قايتا جۇقتىرۋدىڭ العاشقى جاعدايى انىقتالعانىن حابارلادى.
4,5 اي بۇرىن Covid-19-بەن اۋىرىپ شىققان ەر ادامعا وسى دياگنوز ەكٸنشٸ رەت قويىلدى. ينفەكتسييانى انىقتاۋعا قايتادان تەست تاپسىرۋ كەزٸندە پاتسيەنتتەن اۋرۋدىڭ ەش بەلگٸسٸ بايقالماعان, دەپ حابارلايدى "ۇلت اقپارات" بي-بي-سي-گە سٸلتەمە جاساپ.
ۆيرۋستى زەرتتەۋ ونىڭ رنق-سى العاشقى ينفەكتسييانى تۋدىرعان SARS-Cov-2 شتاممىنىڭ گەنەتيكالىق كودىنان ايتارلىقتاي ەرەكشەلەنەتٸنٸن كٶرسەتتٸ.
عالىمدار Covid-19 ۆيرۋسىمەن اۋىرعان ادامداردىڭ ۆيرۋسقا قارسى يممۋنيتەتكە يە بولاتىنىن بٸلەدٸ, بٸراق بۇل قورعانىستىڭ قانشالىقتى تيٸمدٸ ەكەنٸ جەنە قانشا ۋاقىتقا سوزىلاتىنى ەلٸ بەلگٸسٸز. گونكونگتاعى پاتسيەنتتٸڭ جاعدايى بٷكٸل ەلەم بويىنشا 800 مىڭنان استام ادام قايتىس بولعان ۆيرۋسقا قارسى يممۋنيتەتتٸڭ ٶتە قىسقا بولۋى مٷمكٸن ەكەنٸن كٶرسەتەدٸ.
33 جاستاعى گونكونگ تۇرعىنى Covid-19-بەن اۋىرىپ, سەۋٸر ايىندا اۋرۋحانادان جازىلىپ شىققان, دەرٸگەرلەر ونى اۋرۋدان تولىق ايىقتى دەپ مەلٸمدەگەن. الايدا, تامىز ايىندا يسپانييادان ساپاردان ورالعاننان كەيٸن ول ەۋەجايدا مٸندەتتٸ تەست تاپسىرعان. ونىڭ نەتيجەسٸ ۆيرۋستىڭ بار ەكەنٸن تاعى دا راستادى.
بۇعان دەيٸن قىتاي بيلٸگٸ ۆيرۋستىڭ قايتا انىقتالۋىنىڭ بٸرنەشە جاعدايى تۋرالى حابارلاعان بولاتىن. ولاردىڭ مەلٸمەتتەرٸ بويىنشا, ناۋقاستاردىڭ 5-15%-ى كوروناۆيرۋسپەن ەكٸنشٸ رەت اۋىرعان. بٸراق بۇل ادامدار ۆيرۋستى شىنىمەن قايتا جۇقتىردى ما, ەلدە ولار بٸرٸنشٸ رەت اۋىرعاندا تولىق ەمدەلمەدٸ مە, ول جاعى ناقتى ەمەس. بۇلاي سەنٸمدٸ تٷردە ايتۋ مٷمكٸن ەمەس.
گونكونگتەگٸ پاتسيەنتتەن اۋرۋدىڭ ەش بەلگٸلەرٸ بايقالماعان.
ەگەر ادامدار جاڭا ۆيرۋستى بٸرنەشە رەت جۇقتىرۋى مٷمكٸن ەكەنٸ بەلگٸلٸ بولسا (مىسالى, تۇماۋ سيياقتى), تٸپتٸ, تيٸمدٸ ۆاكتسينا ۋاقىتىندا جاسالسا دا بۇل ۆاكتسيناتسييانى ايتارلىقتاي قيىنداتادى.
الايدا, ددۇ قانداي دا بٸر تۇجىرىم جاساۋعا ەلٸ ەرتە دەيدٸ. ٶيتكەنٸ بٸزدە قايتا جۇقتىرۋ جاعدايى جالعىز عانا.
گونكونگتىق پاتسيەنتتٸ تەكسەرۋ نەتيجەلەرٸ عىلىمي ەدەبيەتتەردە ەلٸ جارييالانباعان, سوندىقتان بۇل جاعدايدىڭ كٶپتەگەن اسپەكتٸلەرٸ ەلٸ انىق ەمەس.
