Qylmystyq iske kúdikti sanalǵandardy Qytaiǵa ekstraditsiialaý týraly zań jobasyn Gonkong resmi túrde qaitaryp aldy. Bul aqparatty Gonkongtiń qaýipsizdik ministri Djon Li taratty.
Atalǵan zań jobasy jazdyń basynan bastap Gonkong halqyn dúrliktirip, qarsylyq aktsiialarǵa shyǵýǵa túrtki boldy. Zań jobasyna qarsylar osy qujattardy disssidentter men ádiletsiz sottalǵandardy Qytai sotynyń qolyna berý úshin paidalanýy múmkin dep sanaidy.
Qarsylyq aktsiialarynyń sońy jappai qozǵalysqa ainalyp, demokratiialyq ózgeris jasaýdy talap ete bastady. Gonkong ákimshiligi zań jobasynan bas tartqanyn birneshe ret málimdese de narazylyq tyiylmady. Qarsylyq bildirýshiler zań jobasyn resmi túrde qaitaryp alý jáne Qytaidan Gonkongtiń egemendigin qorǵaý jóninde uran kóterip, narazylyq aktsiiasyn údete tústi.
Birneshe aiǵa sozylǵan qarsylyq aktsiialary kezinde politsiiamen qaqtyǵys ta boldy. Belsendilerdi taratý maqsatynda politsiia kúsh qoldandy, bir ret atys qarýyn paidalandy. Myńdaǵan adam jaraqattanyp, eki jarym myńnan astam adam qamaýǵa alyndy. Qarsylyq bildirýshiler endi qamaýda otyrǵandardy bosatýdy talap ete bastady.
Qazirgi jaǵdaida kúdikti sanalǵan adamdy Qytaiǵa ekstraditsiialaý - Gonkongtiń 1997 jyly Qytaidyń zań aiasyna kóshkenge deiin jasaǵan kelisimi negizinde júzege asyrylady.
