ESPN telearnasynyń insaideri Salvador Rodriges qazaqstandyq boksshy Gennadii Golovkin (41-1-1, 36 KO) men qarsylasy japon sportshysy Riota Mýrata (16-2, 13 KO) arasyndaǵy jekpe-jektiń qaida ótýi múmkin ekenin aitty, dep habarlaidy Sports.kz.
«Bul aiqas Japoniiadaǵy Tokyo Dome arenasynda ótýi múmkin», — dedi Rodriges.
Buǵan deiin ol Golovkin men Mýrata komandalary kelissózder júrgizip jatqanyn habarlaǵan bolatyn. Alaida japon boksshysy mundai salmaqty qarsylaspen kezdespes buryn aldymen «qyzdyrynatyn» jekpe-jek ótkizgisi keledi.
Eske sala keteiik, Mýrata WBA Super nusqasy boiynsha orta salmaqta álem chempiony bolsa, Golovkin – IBF jáne IBO belbeýleriniń iegeri. Sonymen qatar, osy jyldyń qyrkúieginde ótýi múmkin Gennadii Golovkin - Saýl «Kanelo» Alvares jekpe-jekteri trilogiiasynyń sońǵy bólimi týraly áńgime basylar emes. Ol úshin Golovkinniń meksikalyq Haime Mýngiiamen jekpe-jekte sátti óner kórsetýi qajetti shart bolyp otyr. Atalǵan aiqas shamamen mamyr aiyna josparlanǵan.
