IBF nusqasy boiynsha orta salmaqtaǵy álem chempiony Gennadii Golovkinniń promoýteri Eddi Hirn onyń kelesi qarsylasy kim bolýy múmkin ekenin aitty, dep habarlaidy "Ult aqparat" Sports.kz silteme jasap.
Onyń aitýynsha, GGG polshalyq Kamil Sheremetamen judyryqtasýy múmkin.
«Golovkinniń chikagolyq jankúierler arasyndaǵy abyroi-bedeli biik. Eger ol Kamil Sheremetamen sharshy alańǵa shyǵatyn bolsa, ony Chikagoda ótkizgen durys. Onda óte úlken poliak diasporasy bar. Sheremetamen aiqas týraly aitýǵa áli erte, degenmen biz ol nusqany qarastyryp jatyrmyz. Meniń oiymsha, bul jekpe-jekti ótkizýge týra keledi. Óitkeni titýldy jeńip alǵan soń saǵan mindetti qarsylasty bekitip beredi. Ázirge IBF ondai eshteńe talap etken joq, biraq biz kelissóz júrgizip jatyrmyz. Sheremeta titýldyń qaitadan bosaǵanyn kózdep otyr», - dep keltiredi Hirnnyń sózin Boxing News 24.
