IBF نۇسقاسى بويىنشا ورتا سالماقتاعى ەلەم چەمپيونى گەنناديي گولوۆكيننٸڭ پروموۋتەرٸ ەددي حيرن ونىڭ كەلەسٸ قارسىلاسى كٸم بولۋى مٷمكٸن ەكەنٸن ايتتى, دەپ حابارلايدى "ۇلت اقپارات" Sports.kz سٸلتەمە جاساپ.
ونىڭ ايتۋىنشا, GGG پولشالىق كاميل شەرەمەتامەن جۇدىرىقتاسۋى مٷمكٸن.
«گولوۆكيننٸڭ چيكاگولىق جانكٷيەرلەر اراسىنداعى ابىروي-بەدەلٸ بيٸك. ەگەر ول كاميل شەرەمەتامەن شارشى الاڭعا شىعاتىن بولسا, ونى چيكاگودا ٶتكٸزگەن دۇرىس. وندا ٶتە ٷلكەن پولياك دياسپوراسى بار. شەرەمەتامەن ايقاس تۋرالى ايتۋعا ەلٸ ەرتە, دەگەنمەن بٸز ول نۇسقانى قاراستىرىپ جاتىرمىز. مەنٸڭ ويىمشا, بۇل جەكپە-جەكتٸ ٶتكٸزۋگە تۋرا كەلەدٸ. ٶيتكەنٸ تيتۋلدى جەڭٸپ العان سوڭ ساعان مٸندەتتٸ قارسىلاستى بەكٸتٸپ بەرەدٸ. ەزٸرگە IBF ونداي ەشتەڭە تالاپ ەتكەن جوق, بٸراق بٸز كەلٸسسٶز جٷرگٸزٸپ جاتىرمىز. شەرەمەتا تيتۋلدىڭ قايتادان بوساعانىن كٶزدەپ وتىر», - دەپ كەلتٸرەدٸ حيرننىڭ سٶزٸن Boxing News 24.
