Matchroom Boxing kompaniiasynyń basshysy Eddi Hirn óziniń promoýsheni DAZN strimingilik servisimen birlesip, ekinshi orta salmaqtaǵy absoliýtti álem chempiony Saýl «Kanelo» Alvareske Gennadii Golovkinmen úshinshi aiqasty qamtityn eki jekpe-jekke usynys jasaǵanyn rastady, dep habarlaidy QazAqparat Sports.kz-ke silteme jasap.
Taiaýda ESPN insaideri Maik Koppindjer Alvarestiń Hirnnan 7 mamyrda jartylai aýyr salmaqtaǵy álem chempiony reseilik Dmitrii Bivolmen, keiin 17 qyrkúiekte GGG-men trilogiiany aiaqtaý týraly usynys alǵanyn jazdy.
Matchroom Boxing-tyń básekelesteri El Heimon men PBC «Kaneloǵa» orta salmaqtaǵy WBC álem chempiony Djermall Charlony usynyp otyr.
«Eddi Reinoso men Saýl kelesi aiqasyna qatysty jospar qurýdy bastady. Biz tek óz oiymyzdy aityp jatyrmyz. Kelesi aptada «Kanelomen» jáne Eddimen kezdesýge baryp, olardyń ne oilaitynyn bilip qaitamyn. Men únemi aityp júrmin, olar ózderine qajet jáne ózderin yntalandyratyn, qyzyqtyratyn nusqany tańdaidy. Ol biz jáne DAZN usynyp otyrǵan nusqa bolady dep úmittenemiz. Bivol men Golovkinmen jekpe-jek pe? Iá, bul DAZN-nan kórgimiz keletin eki aiqas», - dep jaýap berdi Hirn IFL.TV-ge bergen suhbatynda.
