Boks týraly jazatyn eski basylymdardyń biri britandyq Boxing News jýrnaly 2019 jyly kásipqoi bokstaǵy úzdik jekpe-jekterdiń ondyǵyn jariialady, dep habarlaidy "Ult aqparat" Sports.kz-ke silteme jasap.
Besinshi orynǵa 5 qazanda Niý-Iorktaǵy Madison Square Garden arenasynda IBF jáne IBO nusqasy boiynsha orta salmaqtaǵy álem chempiony belbeýi úshin bolǵan qazaqstandyq Gennadii Golovkin men ýkrainalyq boksshy Sergei Derevianchenko arasynda jekpe-jek jaiǵasty.
«Bul kezdesýde eki boksshynyń da qajyǵan jáne alańdatqan sátteri boldy, biraq Niý-Iork tóreshileri biraýyzdan Golovkinge basymdyq berip, ol IBF nusqasy boiynsha orta salmaqtaǵy álem chempiony titýlyn jeńip aldy», - delingen basylymda.
Tolyq ondyq tizimi mynadai:
1. Naoia Inoýe — Nonito Doneir
2. Djosh Teilor — Redjis Progre
3. Endi Rýis — Entoni Djoshýa
4. Errol Spens — Shon Porter
5. Gennadii Golovkin — Sergei Derevianchenko
6. Hose Ramires — Moris Hýker
7. Stiven Ýord — Liam Konroi
8. Artýr Beterbiev — Aleksandr Gvozdik
9. Djýlian Ýiliams — Djarrett Herd
10. Robert Talarek — Patrik Shimanski.
