WBA (Super), WBC jáne IBO tujyrymdary boiynsha orta salmaqtaǵy álem chempiony Gennadii Golovkin mánerlep syrǵanaýshy Denis Tenniń qazasyna bailanysty kóńil aitty, dep habarlaidy "Ult aqparat".
Golovkin óziniń instgram paraqshasynda Denispen birge túsken sýretin jariialap qysqa ǵana: «Sen máńgi bizdiń jadymyzdasyń... » , - dep jazdy.
Aita keteiik, belgili qazaqstandyq mánerlep syrǵanaýshy Denis Ten pyshaqtan alǵan jaraqatymen aýrýhanaǵa 19 shilde kúni tús kezinde jetkizildi.
Almaty qalalyq IID-niń málimetteri boiynsha, belgisiz bireýler sportshynyń kóliginiń ainasyn urlamaq bolǵan.
Oqiǵanyń ústinen túsken sportshyny urylar jambasynan jaraqattaǵan.
Sportshy 3 litr qan joǵaltqan. Dárigerler onyń jaǵdaiyn óte aýyr dep baǵalady.
Keshirek QR Densaýlyq saqtaý ministrliginiń baspasóz hatshysy Ernar Ákimqulov sportshynyń qaza bolǵandyǵyn jariialady.
Búgin QR Ishki ister ministrligi Denis Tenniń ólimine kúdiktilerdiń biriniń ustalǵanyn jariia etti.
Sondai-aq prokýratýra ókilderi ustalǵan kúdiktiniń qylmys jasaǵanyn moiyndaǵanyn jariialady.
