Golovkin - Mýrata. Foto ©DAZN
Orta salmaqta IBF jáne IBO chempiony Gennadii Golovkin (41-1-1, 36 KO) jáne WBA Super titýlyna ie Riota Mýrata (16-2, 13 KO) jekpe-jeginiń biýdjeti belgili boldy, - dep habarlaidy Tengrinews.kz tilshisi Vesti.kz saityna silteme jasap.
Chunichi Shimbun basylymynyń málimetinshe, bul jekpe-jek Japoniia tarihyndaǵy eń úlken aiqas bolmaq.
"Bul jekpe-jektiń jalpy biýdjeti - 15 milliard ien (132 million dollar)", - dep jazady basylym.
Aita keteiik, Golovkin-Mýrata jekpe-jeginiń resmi anonsy 12 qarashada jariialanǵan bolatyn.
Golovkin - Mýrata jekpe-jegi 29 jeltoqsanda Tokiodaǵy Saitama Super Arena-da josparlanǵan, biraq ony ótkizý ýaqyty shegerilýi múmkin. Bir kún buryn Japoniia Úkimeti "omikron" koronavirýsynyń jańa shtamynyń taralýyna bailanysty shekaralardyń jabylǵanyn jáne sheteldik azamattardyń elge kirýiniń toqtatylǵanyn jariialady. Bilik bul shekteýler qai ýaqytqa deiin sozylatynyn naqtylamady, bul boksshylar men uiymdastyrýshylardy qiyn jaǵdaiǵa dýshar eteri sózsiz.
Al jýrnalist Kit Aidek BoxingScene.com Golovkin ádettegidei jattyǵýdy jalǵastyryp jatqanyn, óitkeni onyń komandasy bul keshtiń ótýine bar kúshterin salatynyn, tipti bolmasa Japoniiaǵa ýaqytynan erte kelip, uzaq ýaqyt karantinde bolýǵa májbúr bolatynyna senimdi.
