گولوۆكين - مۋراتا. فوتو ©DAZN
ورتا سالماقتا IBF جەنە IBO چەمپيونى گەنناديي گولوۆكين (41-1-1, 36 كو) جەنە WBA Super تيتۋلىنا يە ريوتا مۋراتا (16-2, 13 كو) جەكپە-جەگٸنٸڭ بيۋدجەتٸ بەلگٸلٸ بولدى, - دەپ حابارلايدى Tengrinews.kz تٸلشٸسٸ Vesti.kz سايتىنا سٸلتەمە جاساپ.
Chunichi Shimbun باسىلىمىنىڭ مەلٸمەتٸنشە, بۇل جەكپە-جەك جاپونييا تاريحىنداعى ەڭ ٷلكەن ايقاس بولماق.
"بۇل جەكپە-جەكتٸڭ جالپى بيۋدجەتٸ - 15 ميلليارد يەن (132 ميلليون دوللار)", - دەپ جازادى باسىلىم.
ايتا كەتەيٸك, گولوۆكين-مۋراتا جەكپە-جەگٸنٸڭ رەسمي انونسى 12 قاراشادا جارييالانعان بولاتىن.
گولوۆكين - مۋراتا جەكپە-جەگٸ 29 جەلتوقساندا توكيوداعى Saitama Super Arena-دا جوسپارلانعان, بٸراق ونى ٶتكٸزۋ ۋاقىتى شەگەرٸلۋٸ مٷمكٸن. بٸر كٷن بۇرىن جاپونييا ٷكٸمەتٸ "وميكرون" كوروناۆيرۋسىنىڭ جاڭا شتامىنىڭ تارالۋىنا بايلانىستى شەكارالاردىڭ جابىلعانىن جەنە شەتەلدٸك ازاماتتاردىڭ ەلگە كٸرۋٸنٸڭ توقتاتىلعانىن جارييالادى. بيلٸك بۇل شەكتەۋلەر قاي ۋاقىتقا دەيٸن سوزىلاتىنىن ناقتىلامادى, بۇل بوكسشىلار مەن ۇيىمداستىرۋشىلاردى قيىن جاعدايعا دۋشار ەتەرٸ سٶزسٸز.
ال جۋرناليست كيت ايدەك BoxingScene.com گولوۆكين ەدەتتەگٸدەي جاتتىعۋدى جالعاستىرىپ جاتقانىن, ٶيتكەنٸ ونىڭ كومانداسى بۇل كەشتٸڭ ٶتۋٸنە بار كٷشتەرٸن سالاتىنىن, تٸپتٸ بولماسا جاپونيياعا ۋاقىتىنان ەرتە كەلٸپ, ۇزاق ۋاقىت كارانتيندە بولۋعا مەجبٷر بولاتىنىنا سەنٸمدٸ.
