Foto: Tengrinews.kz
Qazaqstandyq boksshy Gennadii Golovkin (42-1-1, 37 KO) men meksikalyq boksshy Saýl "Kanelo" Alvares (57-2-2, 39 KO) úshinshi jekpe-jek aldyndaǵy qorytyndy baspasóz máslihatynda kezdesti, - dep habarlaidy Tengrinews.kz agenttigi.
Meksikalyq nokaýtpen jeńiske jetýdi armandaitynyn jasyrmady. Biraq jeńis ońailyqpen kelmeitinin moiyndady.
"Ringke qaita oralǵanyma qýanyshtymyn. Osy jekpe-jekke kóp daiyndaldym, 12 raýndta aiaqtaimyn dep oilap otyrmyn. Árine, bul jekpe-jek ońaiǵa soqpaitynyn bilemin, biraq merziminen buryn aiaqtaýǵa tyrysamyn", - dedi "Kanelo".
Alaida Golovkin ózine jáne jeńisine senimdi ekenin qarapaiym túrde aityp, qatty málimdeme jasamady.
"Birinshiden, zalda jinalǵan barsha jankúierlerime amandasyp alaiyn. Men osynda bolǵanyma qýanyshtymyn. Sońǵy kezdesýden keiin tórt jyl ótti. Bul kezdesýdiń ýaqyty keldi. Meniń oiymsha, bul tarihi kún. Ózimdi jaily, kúshti sezinemin. Jeńiske jetýge daiynmyn.
Jeńiske jetetinime senimdimin, óz komandamnyń, jankúierlerimniń senimin aqtaýǵa daiynmyn. Ekeýimiz de kásibi sportshylarmyz. Este qalarlyqtai jekpe-jek ótkizemiz dep oilaimyn", - dedi Golovkin.
