گولوۆكين مەن "كانەلو" باسپاسٶز مەسليحاتىن ٶتكٸزدٸ

فوتو: Tengrinews.kz

قازاقستاندىق بوكسشى گەنناديي گولوۆكين (42-1-1, 37 كو) مەن مەكسيكالىق بوكسشى ساۋل "كانەلو" الۆارەس (57-2-2, 39 كو) ٷشٸنشٸ جەكپە-جەك الدىنداعى قورىتىندى باسپاسٶز مەسليحاتىندا كەزدەستٸ, - دەپ حابارلايدى Tengrinews.kz اگەنتتٸگٸ.

مەكسيكالىق نوكاۋتپەن جەڭٸسكە جەتۋدٸ ارماندايتىنىن جاسىرمادى. بٸراق جەڭٸس وڭايلىقپەن كەلمەيتٸنٸن مويىندادى. 

"رينگكە قايتا ورالعانىما قۋانىشتىمىن. وسى جەكپە-جەككە كٶپ دايىندالدىم, 12 راۋندتا اياقتايمىن دەپ ويلاپ وتىرمىن. ەرينە, بۇل جەكپە-جەك وڭايعا سوقپايتىنىن بٸلەمٸن, بٸراق مەرزٸمٸنەن بۇرىن اياقتاۋعا تىرىسامىن", - دەدٸ "كانەلو".

الايدا گولوۆكين ٶزٸنە جەنە جەڭٸسٸنە سەنٸمدٸ ەكەنٸن قاراپايىم تٷردە ايتىپ, قاتتى مەلٸمدەمە جاسامادى.

"بٸرٸنشٸدەن, زالدا جينالعان بارشا جانكٷيەرلەرٸمە امانداسىپ الايىن. مەن وسىندا بولعانىما قۋانىشتىمىن. سوڭعى كەزدەسۋدەن كەيٸن تٶرت جىل ٶتتٸ. بۇل كەزدەسۋدٸڭ ۋاقىتى كەلدٸ. مەنٸڭ ويىمشا, بۇل تاريحي كٷن. ٶزٸمدٸ جايلى, كٷشتٸ سەزٸنەمٸن. جەڭٸسكە جەتۋگە دايىنمىن.

جەڭٸسكە جەتەتٸنٸمە سەنٸمدٸمٸن, ٶز كوماندامنىڭ, جانكٷيەرلەرٸمنٸڭ سەنٸمٸن اقتاۋعا دايىنمىن. ەكەۋٸمٸز دە كەسٸبي سپورتشىلارمىز. ەستە قالارلىقتاي جەكپە-جەك ٶتكٸزەمٸز دەپ ويلايمىن", - دەدٸ گولوۆكين.