"Qazaqstandyq boksshy Gennadii Golovkin Ginnestiń rekordtar kitabyna endi", - dep habarlaidy "Ult aqparat". Bul týraly GGG komandasynyń resmi ókili Janar Ótesheva Instagram jelisindegi óziniń paraqshasynda jazady.
Onyń aitýynsha, sportshy rekordtar kitabyna nokaýt paiyzy eń joǵary orta salmaqtaǵy álem chempiony retinde kirdi. Al, nokaýttarynyń qatynasy 91,67 paiyzdy quraidy eken. Aita keteiik, Golovkin qazirgi ýaqytta WBA (Super), IBF, IBO jáne WBC nusqalary boiynsha orta salmaqtaǵy álem chempiony. Qazaqstandyq boksshy 36 jekpe-jek ótkizip, 36 jeńiske jetken. 33 kezdesýin nokaýtpen aiaqtaǵan.
Gollivýdta ótip jatqan WBC-diń jyl saiynǵy konventsiiasynda Golovkinge Ginnes rekordtar kitabynyń sertifikaty tabystaldy. Sonymen qatar, osy sharada qazaqstandyq boksshy taǵy eki júldege ie boldy. WBC Golovkinnyń Kell Brýkpen ótkizgen jekpe-jegin "Jyl oqiǵasy" dep moiyndady, sondai-aq GGG-ge basymdyǵy artyq boksshy retinde arnaiy syilyq tabystaldy.
