"قازاقستاندىق بوكسشى گەنناديي گولوۆكين گيننەستٸڭ رەكوردتار كٸتابىنا ەندٸ", - دەپ حابارلايدى "ۇلت اقپارات". بۇل تۋرالى GGG كومانداسىنىڭ رەسمي ٶكٸلٸ جانار ٶتەشەۆا Instagram جەلٸسٸندەگٸ ٶزٸنٸڭ پاراقشاسىندا جازادى.
ونىڭ ايتۋىنشا, سپورتشى رەكوردتار كٸتابىنا نوكاۋت پايىزى ەڭ جوعارى ورتا سالماقتاعى ەلەم چەمپيونى رەتٸندە كٸردٸ. ال, نوكاۋتتارىنىڭ قاتىناسى 91,67 پايىزدى قۇرايدى ەكەن. ايتا كەتەيٸك, گولوۆكين قازٸرگٸ ۋاقىتتا WBA (Super), IBF, IBO جەنە WBC نۇسقالارى بويىنشا ورتا سالماقتاعى ەلەم چەمپيونى. قازاقستاندىق بوكسشى 36 جەكپە-جەك ٶتكٸزٸپ, 36 جەڭٸسكە جەتكەن. 33 كەزدەسۋٸن نوكاۋتپەن اياقتاعان.
گولليۆۋدتا ٶتٸپ جاتقان WBC-دٸڭ جىل سايىنعى كونۆەنتسيياسىندا گولوۆكينگە گيننەس رەكوردتار كٸتابىنىڭ سەرتيفيكاتى تابىستالدى. سونىمەن قاتار, وسى شارادا قازاقستاندىق بوكسشى تاعى ەكٸ جٷلدەگە يە بولدى. WBC گولوۆكيننىڭ كەلل برۋكپەن ٶتكٸزگەن جەكپە-جەگٸن "جىل وقيعاسى" دەپ مويىندادى, سونداي-اق GGG-گە باسىمدىعى ارتىق بوكسشى رەتٸندە ارنايى سىيلىق تابىستالدى.
