Qazaqstandyq boksshy Gennadii Golovkin ýkrainalyq Sergei Derevianchenkomen bolatyn aldaǵy titýldyq aiqasy men munyń aldyndaǵy jekpe-jekteriniń arasynda úlken aiyrmashylyq joq ekenin aitty, dep habarlaidy Sports.kz.
«Meniń barlyq aiqastarym – ótken jekpe-jekter, osy aiqas – bir deńgeide. Qarsylasty baǵalamaýǵa bolmaidy. Barlyq aiqasqa sońǵy jekpe-jek retinde qaraý kerek. Bul seniń minez-qulqyńnan habar beredi. Men eshqashan qarsylasymdy baǵalamaǵan emespin», - dedi Golovkin.
Gennadii Golovkinniń Sergei Derevianchenkomen aiqasy 6 qazan kúni tańerteń Niý-Iorkte (AQSh) Madison Square Garden arenasynda ótedi. Boksshylar IBF jáne IBO tujyrymdary boiynsha orta salmaqtaǵy álem chempiony belbeýine talasady.
