Golovkin men Alvarestiń Las-Vegasta ótetin boks keshiniń anderkartyndaǵy alǵashqy jepe-jektiń jáne PPV tikelei efiriniń qashan bastalatyny anyqtaldy, dep habarlaidy "Ult aqparat" Vesti.kz saityna silteme jasap.
Golden Boy promoýterlik kompaniiasynyń habarlaýynsha, birinshi jekpe-jek qyrkúiektiń 15-inen 16-yna qaraǵan túni Astana ýaqyty boiynsha saǵat 3:00-de bastalady. PPV tikelei efiriniń aldyndaǵy kezdesýler Facebook áleýmettik jelisinde kórsetiledi.
Amerikalyq HBO jáne shetel telearnalaryndaǵy aqyly kórsetilim 16 qyrkúiekte Astana ýaqytymen tańǵy 6:00-de bastalady. Sońǵy anderkart jekpe-jeginen keiin ringke oqiǵanyń basty boksshylary shyǵady.
WBC, WBA (Super) jáne IBO nusqasy boiynsha orta salmaqtaǵy álem chempiony Gennadii Golovkin (38-0-1, 34 KO) men meksikalyq Saýl Alvarestiń boks keshiniń anderkartynda segiz jekpe-jek josparlanǵan. PPV transliatsiiasyna Nikaragýalyq tórt salmaq boiynsha burynǵy álem chempiony Roman Gonsales (46-2, 38 kilo) pen meksikalyq Moises Fýentespen (25-5-1, 14 KO) tartysy, IBF-tiń ortasha salmaqtaǵy burynǵy chempiony kanadalyq Devid Leme (39-4, 33 KO) jáne irlandiialyq Geri O'Sallivannyń (28-2, 20 KO), WBO boiynsha birinshi ortasha salmaqtaǵy chempion, meksikalyq Haime Mýngýianyń (30-0, 25 KO) kanadalyq Brendon Kýkpen (20-1, 13 KO) jekpe-jegi kórsetiledi.
Boks keshin «Qazaqstan» jáne «Qazsport» telearnalary tikelei efirden kórsetetinin buǵan deiin habarlaǵan bolatynbyz.
Eske sala keteiik, Golovkin-Alvares arasyndaǵy birinshi jekpe-jek byltyr 16 qyrkúiekte sol alańda teń nátijemen aiaqtalǵan bolatyn. Ekinshi aiqasqa qazaqstandyq boksshy óziniń barlyq titýlyn tigip otyr. Onyń The Ring chempiony bolýǵa jáne WBC-diń arnaiy belbeýin alýǵa múmkindigi bar.
