گولوۆكين مەن الۆارەستٸڭ لاس-ۆەگاستا ٶتەتٸن بوكس كەشٸنٸڭ اندەركارتىنداعى العاشقى جەپە-جەكتٸڭ جەنە PPV تٸكەلەي ەفيرٸنٸڭ قاشان باستالاتىنى انىقتالدى, دەپ حابارلايدى "ۇلت اقپارات" Vesti.kz سايتىنا سٸلتەمە جاساپ.
Golden Boy پروموۋتەرلٸك كومپانيياسىنىڭ حابارلاۋىنشا, بٸرٸنشٸ جەكپە-جەك قىركٷيەكتٸڭ 15-ٸنەن 16-ىنا قاراعان تٷنٸ استانا ۋاقىتى بويىنشا ساعات 3:00-دە باستالادى. PPV تٸكەلەي ەفيرٸنٸڭ الدىنداعى كەزدەسۋلەر Facebook ەلەۋمەتتٸك جەلٸسٸندە كٶرسەتٸلەدٸ.
امەريكالىق HBO جەنە شەتەل تەلەارنالارىنداعى اقىلى كٶرسەتٸلٸم 16 قىركٷيەكتە استانا ۋاقىتىمەن تاڭعى 6:00-دە باستالادى. سوڭعى اندەركارت جەكپە-جەگٸنەن كەيٸن رينگكە وقيعانىڭ باستى بوكسشىلارى شىعادى.
WBC, WBA (Super) جەنە IBO نۇسقاسى بويىنشا ورتا سالماقتاعى ەلەم چەمپيونى گەنناديي گولوۆكين (38-0-1, 34 كو) مەن مەكسيكالىق ساۋل الۆارەستٸڭ بوكس كەشٸنٸڭ اندەركارتىندا سەگٸز جەكپە-جەك جوسپارلانعان. PPV ترانسلياتسيياسىنا نيكاراگۋالىق تٶرت سالماق بويىنشا بۇرىنعى ەلەم چەمپيونى رومان گونسالەس (46-2, 38 كيلو) پەن مەكسيكالىق مويسەس فۋەنتەسپەن (25-5-1, 14 كو) تارتىسى, IBF-تٸڭ ورتاشا سالماقتاعى بۇرىنعى چەمپيونى كانادالىق دەۆيد لەمە (39-4, 33 كو) جەنە يرلاندييالىق گەري و'سالليۆاننىڭ (28-2, 20 كو), WBO بويىنشا بٸرٸنشٸ ورتاشا سالماقتاعى چەمپيون, مەكسيكالىق حايمە مۋنگۋيانىڭ (30-0, 25 كو) كانادالىق برەندون كۋكپەن (20-1, 13 كو) جەكپە-جەگٸ كٶرسەتٸلەدٸ.
بوكس كەشٸن «Qazaqstan» جەنە «Qazsport» تەلەارنالارى تٸكەلەي ەفيردەن كٶرسەتەتٸنٸن بۇعان دەيٸن حابارلاعان بولاتىنبىز.
ەسكە سالا كەتەيٸك, گولوۆكين-الۆارەس اراسىنداعى بٸرٸنشٸ جەكپە-جەك بىلتىر 16 قىركٷيەكتە سول الاڭدا تەڭ نەتيجەمەن اياقتالعان بولاتىن. ەكٸنشٸ ايقاسقا قازاقستاندىق بوكسشى ٶزٸنٸڭ بارلىق تيتۋلىن تٸگٸپ وتىر. ونىڭ The Ring چەمپيونى بولۋعا جەنە WBC-دٸڭ ارنايى بەلبەۋٸن الۋعا مٷمكٸندٸگٸ بار.
