Orta salmaqta óner kórsetetin qazaqstandyq boksshy Gennadii Golovkin (41-1-1, 36 KO) Instagram-paraqshasynda kelesi kezdesýi týraly málimdeme jasady, - dep habarlaidy "Ult aqparat".
Otandasymyz 2021 jyldyń jeltoqsanynda WBA Super belbeýiniń iegeri japon Riota Mýratamen (16-2, 13 KO) kezdesý ótkizýi kerek bolatyn. Biraq Japoniiada koronavirýsqa bailanysty karantin sharalary kúsheitilip, aiqas keiinge qaldy. Endi bul jekpe-jek kóktemde ótýi múmkin.
"Jattyǵý lagerine qaita oralyp, komandamdy kórgenime qýanyshtymyn. Jýyrda Japoniiada ótetin aiqastyń naqty kúni aitylady dep úmittenemin. Daiyndalyp jatyrmyz", - dep jazdy Golovkin.
Aita keteiik, biyl Golovkinmen Kris Iýbenk (Ulybritaniia) jáne Haime Mýngiia (Meksika) sekildi boksshylar kezdeskisi keletinin aitty. Sonymen qatar, biyl ol Saýl "Kanelo" Alvarespen kezdesýi múmkin degen de áńgime bar.
