«Golos. Deti» reseilik shoý-baǵdarlamasynyń finalynda óner kórsetken qazaqstandyq ánshi Erjan Maksim MÝZ-TV telearnasynyń syilyq tapsyrý saltanatyna shaqyryldy, dep habarlaidy QazAqparat tilshisi.
E.Maksimniń anasy Gúlmira Álibektiń aitýynsha, onymen MÝZ-TV telearnasynyń bas direktory Arman Dáýletiiarov sóilesken.
Ol Erjannyń «Golos. Deti» shoýynda tamasha óner kórsetkenin, biregei talantymen osy baǵdarlamany tamashalaǵan milliondaǵan kórermenniń júregin jaýlap alǵanyn atap kórsetken. Sondyqtan ol syilyqsyz qalmaýy kerektigin aitqan.
Endi ánshi anasymen birge 7 maýsym kúni MÝZ-TV-2019 syilyǵyn tapsyrý saltanatty sharasynda qyzyl kilemmen júrip ótetin bolady. Budan bólek, jas daryn basqa ártistermen qatar sahnada án salady.
«Balamnyń ónerin joǵary baǵalaǵany úshin MÝZ-TV arnasynyń basshysyna alǵysymyzdy aitamyz. Buiyrsa, saltanatty sharaǵa baramyz», - dedi Gúlmira Álibek.
Aita keteiik, Máskeýdegi «Megasport» sport saraiynda ótetin bul sharaǵa, sondai-aq Qazaqstannan Dimash Qudaibergen de arnaiy shaqyrylǵan.
Eske sala keteiik, budan buryn oraldyq Erjan Maksimniń «Golos. Deti» baiqaýynyń sýperfinalynda óner kórsetkenin, shoý qorytyndysyna qatysty daýdyń týyndaǵanyn jazǵan bolatynbyz.
Onda sýperfinalda Erjan kórermenderdiń daýys berýinen soń Alsýdyń qyzy Mikella Abramovadan keiin ekinshi oryn alǵan edi. Alaida kóptegen adamdar, sonyń ishinde ataqty shoýmen Maksim Galkin daýys berýdiń ádil júrgizilmegenin aityp, narazylyq bildirdi.
