«گولوس. دەتي» رەسەيلٸك شوۋ-باعدارلاماسىنىڭ فينالىندا ٶنەر كٶرسەتكەن قازاقستاندىق ەنشٸ ەرجان ماكسيم مۋز-تۆ تەلەارناسىنىڭ سىيلىق تاپسىرۋ سالتاناتىنا شاقىرىلدى, دەپ حابارلايدى قازاقپارات تٸلشٸسٸ.
ە.ماكسيمنٸڭ اناسى گٷلميرا ەلٸبەكتٸڭ ايتۋىنشا, ونىمەن مۋز-تۆ تەلەارناسىنىڭ باس ديرەكتورى ارمان دەۋلەتيياروۆ سٶيلەسكەن.
ول ەرجاننىڭ «گولوس. دەتي» شوۋىندا تاماشا ٶنەر كٶرسەتكەنٸن, بٸرەگەي تالانتىمەن وسى باعدارلامانى تاماشالاعان ميلليونداعان كٶرەرمەننٸڭ جٷرەگٸن جاۋلاپ العانىن اتاپ كٶرسەتكەن. سوندىقتان ول سىيلىقسىز قالماۋى كەرەكتٸگٸن ايتقان.
ەندٸ ەنشٸ اناسىمەن بٸرگە 7 ماۋسىم كٷنٸ مۋز-تۆ-2019 سىيلىعىن تاپسىرۋ سالتاناتتى شاراسىندا قىزىل كٸلەممەن جٷرٸپ ٶتەتٸن بولادى. بۇدان بٶلەك, جاس دارىن باسقا ەرتٸستەرمەن قاتار ساحنادا ەن سالادى.
«بالامنىڭ ٶنەرٸن جوعارى باعالاعانى ٷشٸن مۋز-تۆ ارناسىنىڭ باسشىسىنا العىسىمىزدى ايتامىز. بۇيىرسا, سالتاناتتى شاراعا بارامىز», - دەدٸ گٷلميرا ەلٸبەك.
ايتا كەتەيٸك, مەسكەۋدەگٸ «مەگاسپورت» سپورت سارايىندا ٶتەتٸن بۇل شاراعا, سونداي-اق قازاقستاننان ديماش قۇدايبەرگەن دە ارنايى شاقىرىلعان.
ەسكە سالا كەتەيٸك, بۇدان بۇرىن ورالدىق ەرجان ماكسيمنٸڭ «گولوس. دەتي» بايقاۋىنىڭ سۋپەرفينالىندا ٶنەر كٶرسەتكەنٸن, شوۋ قورىتىندىسىنا قاتىستى داۋدىڭ تۋىنداعانىن جازعان بولاتىنبىز.
وندا سۋپەرفينالدا ەرجان كٶرەرمەندەردٸڭ داۋىس بەرۋٸنەن سوڭ السۋدىڭ قىزى ميكەللا ابراموۆادان كەيٸن ەكٸنشٸ ورىن العان ەدٸ. الايدا كٶپتەگەن ادامدار, سونىڭ ٸشٸندە اتاقتى شوۋمەن ماكسيم گالكين داۋىس بەرۋدٸڭ ەدٸل جٷرگٸزٸلمەگەنٸن ايتىپ, نارازىلىق بٸلدٸردٸ.
