Foto: Reuters
Naýryzdyń 2-nen 3-ne qaraǵan túni 97-shi «Oskar» syilyǵyn tapsyrý rásimi ótti. Biyl alǵash ret keshti tanymal komik Konan O'Braien júrgizdi, dep habarlaidy Ult.kz.
Eń kútpegen jaittardyń biri Demi Mýrdyń jeńilisi boldy. Ol «Anora» filmi arqyly tanylǵan Maiki Medisonǵa jol berdi. Qalǵan nominatsiialarda kópshilik kútken nátijeler oryn aldy. Reseilik alǵashqy nominant akter Iýra Borisov Kiran Kalkinnen jeńilip qaldy, bul da aldyn ala boljanǵan edi.
Rásimniń negizgi jeńimpazy Shon Beikerdiń «Anora» filmi boldy. Ol bes «Oskar» syilyǵyn, sonyń ishinde «Úzdik film» nominatsiiasyn jeńip aldy. Breidi Korbeniń «Brýtalist» filmi úsh marapatqa ie boldy: saýndtrek, operatorlyq jumys jáne Edrian Broýdi oinaǵan ról úshin. Al «Diýna» filminiń sikveli, «Zloi» jáne «Emiliia Peres» filmderi eki syilyqtan enshiledi.
8 nominatsiia boiynsha úmitker bolǵan «Bob Dilan: Nikomý ne izvestnyi» jáne 4 nominatsiiada usynylǵan «Nosferatý» birde-bir marapat ala almady.
Jeńimpazdar tizimi:
- Úzdik film – "Anora";
- Úzdik rejissýra – Shon Beiker ("Anora");
- Úzdik akter – Edrian Broýdi ("Brýtalist");
- Úzdik aktrisa – Maiki Medison ("Anora");
- Ekinshi plandaǵy úzdik er adam róli – Kiran Kalkin ("Naǵyz azap");
- Ekinshi plandaǵy úzdik áiel róli – Zoi Saldana ("Emiliia Peres");
- Úzdik halyqaralyq film – "Men áli osyndamyn";
- Úzdik túpnusqalyq stsenarii – "Anora";
- Úzdik beiimdelgen stsenarii – "Konklav";
- Úzdik qysqametrajdy film – "Men robot emespin";
- Úzdik derekti film – "Basqa jer joq";
- Úzdik derekti qysqametrajdy film – "Orkestrdaǵy jalǵyz qyz";
- Úzdik tolyqmetrajdy animatsiialyq film – "Potok";
- Úzdik animatsiialyq qysqametrajdy film – "Kiparis kóleńkesinde";
- Úzdik operatorlyq jumys – "Brýtalist";
- Úzdik dekoratsiialyq jumys – "Zulym: Batys jalmaýyzy týraly áńgime";
- Úzdik montaj – "Anora";
- Úzdik vizýaldy áserler – "Diýna: Ekinshi bólim";
- Úzdik mýzyka – "Brýtalist";
- Úzdik dybys – "Diýna: Ekinshi bólim";
- Úzdik túpnusqalyq saýndtrek – El Mal, "Emiliia Peres";
- Úzdik kostiým dizainy – "Zulym: Batys jalmaýyzy týraly áńgime";
- Úzdik grim – "Sýbstantsiia".
