"Shapan shýy" týraly
Qonaqqa shapan kigizgenniń esh aiyby joq: syilap ta, kiip te júrmiz ǵoi.
Keidjge qatysty bolsa, menińshe, mynadai jaittardy eskerýimiz kerek.
Birinshiden, qarsy alýshylar Nikolasqa shapan kigizý úrdisi týraly táptishtep aityp, túsindirip, "rizashylyǵyńyzdy sózińiz ben túrińizben bildirip, shapan týraly bir jaqsy, este qalarlyq sóz aitsańyz" dep keńes bergende, ártis osynshama úreili ári túk túsinbegendei álpetimen sýretke túspes pe edi? Onyń sońy osynshama shýǵa ainalmas pa edi?
Ekinshiden, osynaý áleýmettik ájýaǵa qoǵamdaǵy EKSPO-ǵa degen ekiudai kózqaras negiz boldy dep oilaimyn: "osynshama qarjy jumsaǵan kórmeniń siqy osy ma?" degen jurt, kórmeniń joǵarǵy tehnonologiialyq is-shara emes, kádýilgi oiyn-saýyq, kontsertke ainalyp bara jatqanyn kórip jatyr. Áitpese, Gollivýd juldyzynyń "jasyl ekonomikaǵa" qandai qatysy bar?
PS. Ózimizdiń óner qairatkerlerimen fotoǵa túsýdi umytyp, sheteldik qonaqtarmen selfiletýge áýes shendilerdiń de qylyǵy eldiń qytyǵyna tiip, "shapanofobiiaǵa" óz septigin tigizgen siiaqty. Máselen, sol shapandy sheneýnikter emes, óz kinomaqtanyshtarymyz kigizgende she?
Ámirjan Qosanovtyń feisbýktegi jazbasynan
