Foto: Getty Composite
Italiia úkimeti Rim Kolizeiinde Ilon Maskke qarsy UFC jekpe-jegin uiymdastyrý úshin Mark Tsýkerbergpen bailanysqa shyqty, dep habarlaidy QazAqparat agenttigi TMZ Sports basylymyna silteme jasap.
Italiia Mádeniet ministri Kolizeide álem tarihyndaǵy eń úlken aiqasty uiymdastyrý isine qatysty birneshe kún buryn Tsýkerbergke habarlasqan. Al Tsýkerberg komandasy UFC prezidenti Dana Ýaitqa habarlama jiberdi.
Álemniń 7 keremetiniń biri sanalatyn orynǵa keler bolsaq, 2000 jyldyq tarihy bar amfiteatrda júzdegen jyl boiy úlken is-shara ótpegen. 2003 jyly Ser Pol Makkartni Kolizeide 400 kórermenge arnap ekskliýzivti qaiyrymdylyq shoýyn ótkizgen bolatyn. Ol kezde kórermenniń árqaisysy 1 500 dollardan tólegen edi. Al qalǵan kontsertter ǵimarattyń syrtynda ótken.
Ázirge Mask pen Tsýkerberg aiqasy naqty qaida ótetini (Kolizei ishinde nemese syrtynda) belgisiz.
Sondai-aq jekpe-jek ótýi úshin qarsylastardyń salmaǵy men boiyndaǵy aiyrmashylyq eń úlken kedergi bolyp otyr. Óitkeni Mask Tsýkerbergten áldeqaida iri jáne uzyn. Degenmen aldaǵy ýaqytta ereje ózgerýi múmkin.
