Giresýn Qarateńizdiń jaǵalaýynda ornalasqan qala. Tabiǵaty taýly-ormandy eken.
Kýzalan tabiǵat saiabaǵynda týristerge arnalǵan birneshe lokatsiia bar. Onyń biri - Kýzalan sarqyramasy. Munda arnaiy túsetin jol bolmasa da, kelýshiler tómenge qiǵash túsip, sýdy keshe júrip sarqyramany tamashalaidy. Sonymen qatar, Kýzalan tabiǵat baǵynda álemde óte az ormanda tabylatyn úlken travertender bar. Bul Góksý travertenderi dep atalady. Ony jer astynan shyǵatyn mineraldy sý qalyptastyrǵan. Túsi - kógildir.
Týrister úshin kelesi qyzyqty oryn - Mavi kól. Bul tabiǵat keremeti 2014 jyly tabylǵan eken. Qyzyǵy sol, kólder bir-biriniń ústine jylǵa sekildi aǵady. Mavi atalýynyń sebebi de sol, kól áktas jáne mineraldy sýdan týyndaǵan kógildir túske ie.
Kúnimizdiń sońynda Giresýn kalesine shyǵyp, qalany joǵarydan tamashaladyq. Bir qyzyǵy, Giresýn shetkerek jatqan qala bolǵanymen, ótken jyly bul jerdi tamashalaýǵa 130 myń týrist kelgen. Qala búginde fýndýk jáne balyq sharýashylyǵy men týrizm arqyly ekonomikasyn jaqsy kóterip otyr.
Kýzalan tabiǵat baǵy Kúmbet jáne Kýlakkaia jailaýynyń arasynda ornalasqan. Eki jailaý da qalyń ormanmen qorshalǵan. Jap-jasyl shalǵyndardan turady. Bul jailaýlarǵa týrister kóptep keledi.
Aqbota Musabek
