Qazaqstandyq boksshy Gennadii Golovkinniń (38-1-1, 34 KO) menedjeri Tom Leffler boksshynyń aldaǵy josparlary týraly óz oiyn aitty, dep habarlaidy QazAqparat boxingscene-ǵa silteme jasap.
«12-raýndta Golovkinniń oń qabaǵy jaryldy. Sol sebepti onyń 2018 jylǵy jospary aiaqtaldy, ol demalýy kerek. Biz kelesi jyly kóktemde, bolmasa mamyr aiynda ringke qaita oralýdy josparlap otyrmyz», - dedi Leffler.
Sondai-aq, Tom Leffler qazaqstandyqtyń kelesi jyly kimmen judyryqtasýy mumkin ekenin aita ketti.
«Floid Meivezer ringke qaita oralatyn siiaqty. Biz «Meivezer-Pakiao» kezdesýiniń jeńimpazymen judyryqtasýymyz múmkin», - dedi menedjer.
Eske salaiyq, Golovkin - «Kanelo» rematchy 16 qyrkúiek kúni Amerika Qurama Shtattarynyń Las Vegas qalasyndaǵy T-Mobile Arena-da ótti. Qortyndysynda, otandasymyz tóreshiler sheshimimen (113-115, 114-114, 113-115) jeńilip, chempiondyq beldikterinen aiyryldy.
