قازاقستاندىق بوكسشى گەنناديي گولوۆكيننٸڭ (38-1-1, 34 كو) مەنەدجەرٸ توم لەففلەر بوكسشىنىڭ الداعى جوسپارلارى تۋرالى ٶز ويىن ايتتى, دەپ حابارلايدى قازاقپارات boxingscene-عا سٸلتەمە جاساپ.
«12-راۋندتا گولوۆكيننٸڭ وڭ قاباعى جارىلدى. سول سەبەپتٸ ونىڭ 2018 جىلعى جوسپارى اياقتالدى, ول دەمالۋى كەرەك. بٸز كەلەسٸ جىلى كٶكتەمدە, بولماسا مامىر ايىندا رينگكە قايتا ورالۋدى جوسپارلاپ وتىرمىز», - دەدٸ لەففلەر.
سونداي-اق, توم لەففلەر قازاقستاندىقتىڭ كەلەسٸ جىلى كٸممەن جۇدىرىقتاسۋى مۇمكٸن ەكەنٸن ايتا كەتتٸ.
«فلويد مەيۆەزەر رينگكە قايتا ورالاتىن سيياقتى. بٸز «مەيۆەزەر-پاكياو» كەزدەسۋٸنٸڭ جەڭٸمپازىمەن جۇدىرىقتاسۋىمىز مٷمكٸن», - دەدٸ مەنەدجەر.
ەسكە سالايىق, گولوۆكين - «كانەلو» رەماتچى 16 قىركٷيەك كٷنٸ امەريكا قۇراما شتاتتارىنىڭ لاس ۆەگاس قالاسىنداعى T-Mobile Arena-دا ٶتتٸ. قورتىندىسىندا, وتانداسىمىز تٶرەشٸلەر شەشٸمٸمەن (113-115, 114-114, 113-115) جەڭٸلٸپ, چەمپيوندىق بەلدٸكتەرٸنەن ايىرىلدى.
