Bokstyń kúni bitýge jaqyn. Alaida, ony qutqaryp qalý qazaqstandyq Gennadii Golovkinniń (36-0, 33 KO) qolynda. Mundai pikirdi tórt birdei salmaq dárejesinde álemniń eks-chempiony amerikalyq boksshy Roi Djons (64-9, 46 KO) aitty, dep habarlaidy "Ult aqparat" BNews.kz portalyna silteme jasap.
«Golovkin meksikalyq Saýl Alvarespen (48-1-1, 34 KO) jekpe-jek ótkizýge qalai da qol jetkizýi tiis. Sebebi, qazir orta salmaqta odan ózge myqty boksshy qalmady. Oǵan ázirge eń laiyqty qarsylas – Kanelo ǵana. Nemese kelesi salmaqqa aýysyp, qarsylasty sol jaqtan izdeýi kerek.
Qazir boks álemi qurdymǵa ketip barady. Sondyqtan, boksty qutqarýdyń jalǵyz joly – GGG-diń qolynda, iaǵni, Golovkin men Alvares jekpe-jegin uiymdastyrý. Qazaqstandyq boksshy muny óz qolyna almasa, boksty kebindep, jer qoinyna tapsyra berýge bolady», - deidi Roi Djons.
Aita keteiik, ótken aptada Roi Djons pen Gennadii Golovkin Mehikoda kezdesken bolatyn. Ol osy kezdesýde otandasymyzdy aty ańyzǵa ainalǵan boksshylar tizimine qosty.
